पर्रीकारामुखार पर्याय कितें? सांगता विनय तेंडुलकार....
पर्रीकारामुखार पर्याय कितें? सांगता विनय तेंडुलकार....
15 Oct 2018 07:02 PM
कशें काम करतलो तो? परत एक फावट मंत्रीमंडळ सल्लागार समिती घडोवन? काय आपलीं खातीं हेर मंत्र्यांक वाटून? खंयचीं खंयचीं खातीं?
आनी सरकार घट आसा? काय खऱ्यांनीच कांय काँग्रेसीचे आमदार युती सरकारांत येतले? सध्या ह्या असल्याच सगळ्या प्रस्नांचेर गोंयभर चर्चा चल्ल्या.
आनी भाजपाचो गोंयचो अध्यक्ष विनय तेंडुलकारान ह्या सगळ्या प्रस्नांच्यो जापो दिल्यात. आमचो मुखेल खबरांकार ग्लेन कॉश्ताक.
स्ट्रेचराचेर घालून एम्ब्युलन्सांतल्यान मुख्यमंत्री पर्रीकार दिल्लीच्यान दनपरां गोंयां पावलो आऩी सांजेसावन वावड्यो उठपाक परत सुरवात जाली. पयली वावडी आयली, रातोरात पर्रीकाराक बांबोळे हॉस्पिटलांत घातला. आनी सकाळ जायसर तर सगळेच उलोवपाक लागले, पर्रीकार भायर पडलो.
पूण प्रत्यक्षांत गोंयचो भाजपाचो अध्यक्ष विनय तेंडुलकार सकाळफुडेंच पर्रीकाराच्या घरा वचून ताका मेळून आयलो. आनी मागीर गोवा 365 कडेन उलयलो.
हरशीं चलत येवपी पर्रीकार हे खेपे स्ट्रेचराचेर आयिल्लो. ताका लागून आतां नवे अदमास बांदपाक सुरवात जाल्या.तो म्हटल्यार पर्रीकार मुख्यमंत्री म्हूण राजिनामो दितलो आनी पक्षांतल्याच कोणाक तरी आपल्या कदेलार बसयतलो.
विनय तेंडुलकाराचें नांव हातूंत सगळ्यांत मुखार आसा. पूण हाचेर तेंडुलकार कितें म्हणटा? पळयात.
विधानसभेंत सध्या सगळ्यांत व्हडलो पक्ष म्हटल्यार काँग्रेस. तांचे आमदार 16. ताचे फाटोफाट 14 आमदारांची भाजपा.
हें चित्र बदलपाखातीर काँग्रेसीचे उणेच दोन आमदार फुट्टले आनी भाजपांत वतले. मागीर काँग्रेसीचेय 14 आनी भाजपाचेय 14. असो हो डावपेंच चल्ला.
पूण खऱ्यांनीच तशें जातलें? पळय़ात तेंडुलकार कितें म्हणटा तें.
दुसरे वटेन भाजपांतय असंतोश वाडपाक लागला. खासा करून
मंत्रीमंडळांत बदल करीत सावन. काडून उडयिल्लो फ्रांसिस डिसोझा धरून मंत्री केले
नाशिल्ले मायकल लोबो, राजेश पाटणेकार आनी अपक्ष आमदार प्रसाद गांवकार लेगीत बेजार
आसात.
What do you feel
Click here