ल्हान, व्हड सगळें नुस्तें भायलें! नुस्तेंकार म्हणटात भिरांत ना, विरोधी पक्ष म्हणटात घालात नुस्त
ल्हान, व्हड सगळें नुस्तें भायलें! नुस्तेंकार म्हणटात भिरांत ना, विरोधी पक्ष म्हणटात घालात नुस्त
14 Jul 2018 08:08 PM
सरकार सांगता ह्या खंयच्याच नुस्त्यांक फॉर्मेलीन मारिल्लें ना. जाल्यार नुस्तें हाडपी एजंट म्हणटात हें सगळें राजकारण. पुलितीक.
पूण विरोधी पक्ष ओगी रावपाक तयार नात. तांच्या मतान भायल्यान येवपी ह्या सगळ्या नुस्त्याचेर बंदी हाडपाक जाय. गोंयचें सरकार राजकारणाखातीर हें विखारी नुस्तें हाडटल्यांक साल्वार करपाक सोदता.
भायल्या राज्यांतल्यान नुस्तें हाडपी आनी गोंयाभायर जगभर नुस्तें एक्स्पोर्ट करपी इब्राहीम शेख हो मडगांवचोच न्हय तर गोंयांतलो एक मुखेल नुस्त्याचो एजंट.
गोंयांत कितल्या तरांचें नुस्तें खंयच्या राज्यांतल्यान येता आनी तें हाडपाक कितलो वेळ लागता हें सगळें ताणेंच गोवा 365क सांगलें.
पूण तो म्हणटा, तातूंत फॉर्मेनील बी कांयच नासता, फकत झेल मारिल्लो आसता. आयकात तो कितें म्हणटा तें.
काँग्रेस फुडारी आनी आमदार आलेक्स रेजिनाल्ड म्हणटा भायल्यान येवपी सगळ्याच नुस्त्याचेर बंदी हाडपाक जाय.
आदलो मंत्री मिकी पाशेको ताच्याकय फुडें वता. एका इब्राहीमाक राखण दिवपाखातीर एफडीएचे फॉर्मेलिनाचे रिपोर्ट विजय सरदेसायान बदल्ले असो सरळ आरोप तो करता.
पूण हे आरोप नुस्तेंकार एजंट इब्राहीम आनी मंत्री विजय सरदेसाय ह्या दोगांकय निखालस मान्य नात.
What do you feel
Click here