निर्णय गेलो मुखार, घडये पर्रीकार राजिनामोच दिवचो ना

निर्णय गेलो मुखार, घडये पर्रीकार राजिनामोच दिवचो ना

20 Sep 2018 08:15 PM

मुख्यमंत्री बदलपाचो काय ना हाचेर फुडल्या दोन दिसांभीतर निर्णय जातलो. कारण सध्या मुख्यमंत्री मनोहर पर्रीकाराचेर दिल्लीच्या एम्स हॉस्पिटलांत उपचार सुरू जाल्यात आनी ताका आयजोलेशन वॉर्डांत दवल्ला.



इतले मजगतीं पर्रीकार राजिनामोच दिवचो ना आनी आसा तशेंच सरकार चलतलें असो निर्णय केंद्रीय फुडारी घेवपाक शकतात. 

पर्रीकारान मुख्यमंत्री म्हूण राजिनामो दिवचो काय ना आऩी दिल्यार ताच्या जाग्यार कोणाक मुख्यमंत्री करपाचो हो निर्णय आऩीक दोन दीस तरी जावचो ना.

कारण मुख्यमंत्र्याक आयजोलेशन वॉर्डांत दवरिल्ल्यान ताका कोणूच मेळपाक शकनात. बुधवारा दीसभर बसका जातकीर भाजपाचो अध्यक्ष अमीत शहा वचून ताका मेळिल्लो आऩी ताणे कितें जालां ताची म्हायती ताका दिल्ली. 

इतले मजगतीं बुधवारा दीसभर केंद्रीय फुडाऱ्यांलागीं चर्चा करतकीर गोंयचे तिनूय खासदार बिरेस्तारा गोंयां परत आयले. आयुष मंत्री श्रीपाद नायक, नरेन्द्र सावयकार आऩी विनय तेंडुलकार.

मुख्यमंत्रीपदाचेर निमणो निर्णय आतां अध्यक्ष अमीत शहाच घेतलो. तोय पर्रीकाराक भायर काडटकीर ताचेक़डेन चर्चा करून. घडये सध्याचे परिस्थितींत पर्रीकारान राजिनामो दिवचो न्हय अशीय एक सुचोवणी मुखार आयल्या अशें समजता. कारण भाजपा आनी युती सरकारांतल्यान सगळ्या घटक पक्षांक मान्य असो फुडारी वेंचून काडप तांकां शक्य जाल्लें ना. 

Reporter: Bureau



What do you feel

Click here