10,000 नोकऱ्यांचें हांयस ही जिल्लो पंचायत वेंचणुकेची तयारी

कॉंग्रेसीन आरोप केला. कोवीडचे फाटभुंयेर वेंचणुको घेतात जाल्यार 70 त 80 टक्के मतदान जातलें हाची जतनायय घेवची अशेंय कॉंग्रेसीन मागलां.

जिल्लो पंचायत वेंचणूक लागीं पावल्या.

देखून सरकारान आपली सगळी यंत्रणा वेंचणुकेचेर प्रभाव घालपा खातीर राबोवपाक सुरवात केल्या.

मतदारांच्या वळेरींनी हस्तक्षेप करत मतांची बेरीज वजाबाकीय सुरू केल्या.

गोंय प्रदेश कॉंग्रेस अध्यक्ष गिरीश चोडणकाराचो आरोप.

तो म्हणटा, 10,000 नोकऱ्यो दितले जाल्यार त्या खातीर 350 कोटींची तरतूद कशी केल्या तिवूय सांगची.

  पर्रीकारानय आपल्या पांच वर्सांच्या कार्यकाळांत 10,000 नोकऱ्यो दितले अशें उतर दिल्लें, पूण अजून त्यो कोणाकच मेळूंक नात.

आदीं दयानंद सामाजीक सुरक्ष योजना आनी गृह आधार येवजण्यां खातीर निधी मंजूर करात, ताणें भाजपा सरकारा कडेन मागलां. 

 लोकांच्या जिविता कडेन खेळून जिल्लो पंचायत वेंचणूक घेवपाची गरज ना, गिरीश म्हणटा.

कोवीड मुक्त काळांत आनी भंयमुक्त वातावरणांत वेंचणुको जावपाक जाय.

वेंचणुकांनी लोकांनी उत्स्फूर्तपणान आनी मोठ्या संख्येन मतदान करपा सारकें वातावरण सरकारान निर्माण करपाक जाय अशेंय गिरीश म्हणटा.