भारत ज्वालामुखीचेर बसला, गोंयान देशाक वाट दाखोवचीः राजदीप
भारत ज्वालामुखीचेर बसला, गोंयान देशाक वाट दाखोवचीः राजदीप
03 Jan 2020 02:49 PM
नरेन्द्र मोदी 2019 ची वेंचणूक कसो जिखलो हेचें सविस्तर विवेचन करपी पुस्तक राजदीप सरदेसायान पुराय भारत देशाची भोवंडी करून बरयलां. तेचें प्रकाशन गोंयचो नामनेचो उद्येजक श्रीनीवास धेंपे आनी एका तेंपावेली सिने अभिनेत्री पुजा बेदी हेंचे हस्तुकीं बिरेस्तारा पणजे जालें.
ह्या वेळार हे कार्यावळीचो यजमान आनी व्हिवा गोवाचो संपादक केदार धुमे तशेंच राजदीपाची आवय नंदिनी सरदेसाय हाजीर आशिल्लीं. उपरांत वरिश्ठ पत्रकार विकांत सहायान राजदीपाची सविस्तर मुलाखत घेतली.
त्या वेळार मोदीन वेंचणुकांचीं समीकरणांच कशीं बदलावन उडयल्यांत
आनी हेर पक्ष कशे सामके फाटीं आसात तेंय तेणें सांगलें. आनी त्याच वेळार भारतीय समाज
फोडपाचें राजकारण चल्लां तेचेर हुस्कोय परगटायलो. पळयात.
गोंयचो पूत आनी भारतांतलो नामनेचो क्रिकेट खेळगडो दिलीप सरदेसाय हेचो राजदीप हो पूत. भारताक हे स्फोटक परिस्थितींतल्यान भायर काडपाक गोंय वाट दाखोवंक शकता अशी आस्त ह्या वेळार राजदीपान उक्तायली. तेखातीर एकचारान रावपी गोंयकारांनी मुखार सरचें असोय उलो तेणे माल्लो.
ही पुराय मुलाखत आमी दोन वाट्यांनी दाखयतले. आमच्या टीव्ही चॅनलाचेर आनी फेसबूक, ट्विटर आनी यूट्यूबाचेर आशिल्ल्या आमच्या प्लॅटफॉर्मांचेरय. ती मुजरत पळोवची.
What do you feel
Click here