गोंयचे माम्मीचो आदेवस, व्हिक्टोरिया फॅर्नाडीस गेली
गोंयचे माम्मीचो आदेवस, व्हिक्टोरिया फॅर्नाडीस गेली
07 Sep 2019 08:27 PM
तरणाटी आसतना काजार जावन कुडटरेच्यान सांताक्रूझ आयली तेन्नासावन गोंयच्या वेगवेगळ्या समाजीक चळवळींनी ती वांटो घेत आसा. 1977 वर्सा आणिबाणी येतकीर ती जनता पार्टींत गेली. पूण गोंयचे विधानसभेंत पावपाक मात तिका 1994 मेरेन वाट पळोवची पडली. पयलीं अपक्ष म्हूण वेंचून आयिल्ली व्हिक्टोरिया माम्मी उपरांत काँग्रेसीचे तिकेटीचेर आनीक तीन फावटीं वेंचून येयली. ते मजगतीं 1990 वर्सा गुंडगिरीच्या आरोपाखाला तिका कॉफेपोसा लावन आग्वाद जेलांतय घाल्ली.
VICTORIA
AS ST CRUZ MLA
1994:
Independent
1999:
Congress
2002:
Congres
2007: Congress
व्हिक्टोरिया दोन फावटीं मत्री आनी एक फावट उपसभापती आशिल्ली. पयले खेपे मंत्री जाली ती लुइझिन फालेरोच्या मंत्रीमंडळांत 1988 च्या डिसेंबरांत. उपरांत 24 नोव्हेंबर 1999 ह्या दिसा फ्रांसिस सार्दीनाच्या मुखेलपणाखाला तिणेय काँग्रेस सोडली आनी भाजपाच्या तेंक्यान जाल्ल्या सरकारांत ती परत मंत्री जाली. ह्या काळांत तिणे शेती, नुस्तेंमारी, पर्यटन तशेंच बायलां आनी भुरगें खातीं सांबाळ्ळीं. प्रतापसिंग राणे मुख्यमंत्री आसतना ती उपसभापतीय जाली.
CABINET TERMS OF VICTORIA
Dec 1998 – Feb 1999 Agriculture and Fisheries CM: Luizinho Faleiro
Nov
1999 – Oct 2000 Tourism, Animal
Husbandary, CM: Franciso Sardinha
Women
& Child Dev, Fisheries,
Agriculture
July 2005 – June 2007 Deputy Speaker CM: Pratapsing Rane
पूण तिचो सगळ्यांत व्हडलो वांटो आसलेलो तो ओपिनियन पोलाचे चळवळींत.
तेन्ना महाराष्ट्रीय बायल जावन ती एकटीच पेडण्यां गेल्ली आनी गोंय महाराष्ट्रांत घालपाक
तेंको दिनाकात म्हूण पेडणेकारांक विनोवन आयलेली. 1966-67 च्या त्या तेंपावेलो तितलोच
खडेगांठ फुडारी ऍड उदय भेंब्रे तिचेर कितें म्हणटा पळय़ात.
व्हिक्टोरिया माम्मी सगळ्याच राजकारण्यांमदीं लोकप्रिय आसलेली.
तत्वांचेर केल्लो विरोध केन्नाच तिणे वैयक्तीक पावंड्यार येवंकं दिलो ना. दर वर्सा
जातल्या आमदारांच्या विधिकार दिसा तर ती निर्मला सावंत आनी शंभूभाऊ बांदेकारावांगडा
विनोदी नाटकां सादर करताली.
तळागाळ्यांतल्या समाजाचीं जीं जीं आंदोलनां गोंयांत जालीं तेतूंत
व्हिक्टोरिया माम्मी आघाडेर आसलेली. मागीर जावं ते रेंदेर, रांपणकार, शेतकार वा मीठकार.
आनी ह्या सगळ्या आंदोलनांवांगडाच आमदार जातकीर तिचेवांगडा रावलो तो सांताक्रुझाचो पूत
आनी फाकिवंत शास्त्रज्ञ डॉ नंदकुमार कामत. तेकाच लागून तिका आर्गां ओंपतना तेणे काळजांतल्या
दुकांकय वाट कोरून दिली.
सांताक्रूझाच्यान आमचे व्हिडियो पत्रकार अमर चवारिया आनी श्याम च्यारी तशेंच मडगांवच्यान
खबरांकार रमेश नायक रावत
What do you feel
Click here