पुण्यांतल्या हॉस्पिटलांत उपचार घेतल्या  मोहन रानडेन मंगळारा निमणो स्वास घेतलो.

पिराय 89. गोंय आनी महाराष्ट्र सरकारान संयुक्तपणान पुण्या ताच्या पार्थिवाक निमणो सलाम दिलो.

पोर्तुगिजांच्या विरोधांत जाल्ल्या गोंय मुक्ती झुजांत ताणें सशस्त्र वांटो घेतिल्लो.

1930 त सांगलींत ताचो जल्म.

ताचें मुळावें नांव मनोहर विष्णु आपटे.

शिक्षक म्हण मोहन रानडे नांव लावन 1950 त तो गोंयांत भितर सरलो आऩी सावयवेऱ्यां राबितो करून रावलो. 

मुक्तीचे वा स्वातंत्र्यलढ्याचे जायते मार्ग आशिल्ले.

पोर्तुगिजांच्या विरोधांत ताणें वेंचलें तें आर्माद झूज. 

आर्मां हातासपा खातीर ताणें जायत्या पुलीस स्टेशनांचेर हल्लो केल्लो.

बेती पुलीस स्टेशनाचेर 29 डिसेबर 1956 दिसा ताणें केल्ल्या हल्ल्या वेळार ताचेर फारपेट करत जखमी अवस्थेंत ताका धरिल्लो.

त्या उपरांत ताका 26 वर्सांची बंदखण जाल्ली.

पोर्तुगाला. 1961 गोंय मुक्त जालें तरीकय 14 वर्सां ताका बंदखणींतच दवरिल्लो.  

बंदखणींतल्यान ताचे सुटके खातीर देशभरांतल्यान मागणी जावंक लागली. 

तामीळनाडुचो मुख्यमंत्री अण्णादुरायान विनवणी केल्या उपरांत पाचवो पोप पॉलान ताका सोडचो हे खातीर हस्तक्षेप केलो, तेन्नाच ताका सोडलो.

25 जानेवारी 1969 दिसा ताका सोडलो.

गोंयान ताका दिमाखान येवकार दिलो. 

उपरांत रानडे पुण्यां स्थायीक जालो.

आदीवासी, भटक्या आनी मागासवर्गी समाजांतल्या विद्यार्थ्यां खातीर ताणें शिकवणेचे वर्ग चालू केले.

ताणें दोन पुस्तकां बरयलीं- इंग्लिशेंत- स्ट्रगल अनफिनिश्ड, जाल्यार मराठींत सतीचे वाण.

गोंय सरकाराच्या कला आऩी संस्कृती विभागान ताचेर झुजारी नांवाचो मंदार तळावलीकरान दिग्दर्शीत केल्लो एक डॉक्युड्रामा केल्लो.  

गोंय आनी महाराष्ट्र सरकाराचे वतीन संयुक्तपणान पुण्यां ताच्या पार्थिवाचेर सरकारी इतमामान निमणे संस्कार केले.

गोंय सरकाराचे वतीन मंत्री मिलिंद  नायकान ताका हजेरी लायली.

मोहन रानडेच्या मरणाची खबर कळटकच गोंय आनी महाराष्ट्रांतल्या जायत्या फुडाऱ्यांनी ट्वीट करून दुख्ख उक्तायलें.

महाराष्ट्रांतले विनोद तावडे आनी रवींद्र चव्हाणान, गोंयच्यान मुख्यमंत्री प्रमोद सावंत, आदलो मुख्यमंत्री दिगंबर कामत, केंद्रीय मंत्री श्रीपाद नायक, उपमुख्यमंत्री विजय सरदेसायान व्हिडियोवरवी रानडेक आर्गां ओपलीं. 

मुक्ती झुजांतलो रानडेचो वांगडी प्रभाकर सिनारीकडेन, तशेंच झुजारी डॉक्युड्रामाचो दिग्दर्शक मंदार तळावलीकारा कडेनय आमी उलयले.

पुण्यांतल्या हॉस्पिटलांत उपचार घेतल्या  मोहन रानडेन मंगळारा निमणो स्वास घेतलो.

पिराय 89. गोंय आनी महाराष्ट्र सरकारान संयुक्तपणान पुण्या ताच्या पार्थिवाक निमणो सलाम दिलो.

पोर्तुगिजांच्या विरोधांत जाल्ल्या गोंय मुक्ती झुजांत ताणें सशस्त्र वांटो घेतिल्लो.

1930 त सांगलींत ताचो जल्म.

ताचें मुळावें नांव मनोहर विष्णु आपटे.

शिक्षक म्हण मोहन रानडे नांव लावन 1950 त तो गोंयांत भितर सरलो आऩी सावयवेऱ्यां राबितो करून रावलो. 

मुक्तीचे वा स्वातंत्र्यलढ्याचे जायते मार्ग आशिल्ले.

पोर्तुगिजांच्या विरोधांत ताणें वेंचलें तें आर्माद झूज. 

आर्मां हातासपा खातीर ताणें जायत्या पुलीस स्टेशनांचेर हल्लो केल्लो.

बेती पुलीस स्टेशनाचेर 29 डिसेबर 1956 दिसा ताणें केल्ल्या हल्ल्या वेळार ताचेर फारपेट करत जखमी अवस्थेंत ताका धरिल्लो.

त्या उपरांत ताका 26 वर्सांची बंदखण जाल्ली.

पोर्तुगाला. 1961 गोंय मुक्त जालें तरीकय 14 वर्सां ताका बंदखणींतच दवरिल्लो.  

बंदखणींतल्यान ताचे सुटके खातीर देशभरांतल्यान मागणी जावंक लागली. 

तामीळनाडुचो मुख्यमंत्री अण्णादुरायान विनवणी केल्या उपरांत पाचवो पोप पॉलान ताका सोडचो हे खातीर हस्तक्षेप केलो, तेन्नाच ताका सोडलो.

25 जानेवारी 1969 दिसा ताका सोडलो.

गोंयान ताका दिमाखान येवकार दिलो. 

उपरांत रानडे पुण्यां स्थायीक जालो.

आदीवासी, भटक्या आनी मागासवर्गी समाजांतल्या विद्यार्थ्यां खातीर ताणें शिकवणेचे वर्ग चालू केले.

ताणें दोन पुस्तकां बरयलीं- इंग्लिशेंत- स्ट्रगल अनफिनिश्ड, जाल्यार मराठींत सतीचे वाण.

गोंय सरकाराच्या कला आऩी संस्कृती विभागान ताचेर झुजारी नांवाचो मंदार तळावलीकरान दिग्दर्शीत केल्लो एक डॉक्युड्रामा केल्लो.  

गोंय आनी महाराष्ट्र सरकाराचे वतीन संयुक्तपणान पुण्यां ताच्या पार्थिवाचेर सरकारी इतमामान निमणे संस्कार केले.

गोंय सरकाराचे वतीन मंत्री मिलिंद  नायकान ताका हजेरी लायली.

मोहन रानडेच्या मरणाची खबर कळटकच गोंय आनी महाराष्ट्रांतल्या जायत्या फुडाऱ्यांनी ट्वीट करून दुख्ख उक्तायलें.

महाराष्ट्रांतले विनोद तावडे आनी रवींद्र चव्हाणान, गोंयच्यान मुख्यमंत्री प्रमोद सावंत, आदलो मुख्यमंत्री दिगंबर कामत, केंद्रीय मंत्री श्रीपाद नायक, उपमुख्यमंत्री विजय सरदेसायान व्हिडियोवरवी रानडेक आर्गां ओपलीं. 

मुक्ती झुजांतलो रानडेचो वांगडी प्रभाकर सिनारीकडेन, तशेंच झुजारी डॉक्युड्रामाचो दिग्दर्शक मंदार तळावलीकारा कडेनय आमी उलयले.