साहित्यीक शांताराम वर्दे वालावलकार संवसाराक अंतरलो
18 Aug 2019 08:07 PM
पिराय आशिल्ली 80 वर्सां.
कवी कालीदासाचें मेघदूत ताणें कोंकणींत हाडलां.
ऋग्वेदाचो कोंकणी अणकार करपाचें ताचें काम चालू आशिल्लें. शणै गोंयबाबाचें सगळें साहित्य ताणें संकलीत केलां.
शेनवारा काळजांत दुखपाक लागलें म्हण ताका गोमेकोंत घालो आऩी थंयच ताणें निमणो स्वास घेतलो.
कोंकणी चळवळींत ताचें व्हड योगदान आसा. 1983 त कंप्युटर सोसायटीचो तो संस्थापक उपाध्यक्ष आशिल्लो.
गोंयांत कंप्युटराचें युग हाडपाचें स्त्रय ताकाच वता.
80 वर्सांची पिराय आसली तरी तरनाट्यावरी कोंकणी अणकाराचो ताचो वावर चालूच आशिल्लो.
शणै गोंयबाबाचें सगळें साहित्य ताणें डिजिटलायज्ड करून दवरलां.
शेनवारा कंप्युटर सोसायटी ऑफ इंडियाचे गोंय फांट्याचो मेळावो आशिल्लो.
पणजेंतल्या ह्या मेळाव्याक भारतभरचे संगणकतज्ञ आयिल्ले.
थंय ताची भलायकी इबाडिल्ल्यान ताका गोमेकोंत व्हरचो पडलो आनी थंयच ताणें आपली जिणेयात्रा सोंपयली.
सांतिनेजचे मसणभुंयेंत ताचे कुडीचेर निमणे विधी केले.
निमणे दर्शन घेवपाक आयिल्ल्या गोंयभरच्या ज्येश्ठ साहित्यीकांनी ताका आर्गां ओंपलीं.
What do you feel
Click here