आदलो मंत्री दोतोर विल्फ्रेड मिस्किताक 70 वर्सां पिरायेर मरण

आदलो मंत्री दोतोर विल्फ्रेड मिस्किताक 70 वर्सां पिरायेर मरण

09 Jul 2019 07:59 PM

आदलो मंत्री आनी गोंयचो फामाद गायनेकॉलॉजिस्ट दोतोर विल्फ्रेड मिश्किताक सोमारा राती मुंबयच्या हॉस्पिटलांत मरण आयलें.



मरणा वेळार तो 70 वर्सांचो आशिल्लो. ताचे इत्से प्रमाण चर्चिंत मिस जालें, आनी त्या उपरांत हिंदू पद्धतीन ताजे कुडीर निमणे संस्कार जाले.

वास्कोच्या ह्या तरणाट्यान पिरायेच्या 25व्या वर्सा आपल्या राजकी प्रवासाक सुरवात केल्ली. महाराष्ट्रवादी गोमंतक पक्षाचो तो संस्थापक उपाध्यक्ष आशिल्लो.

पक्षांत वेगवेगळीं पदा सांबाळ्ळ्या उपरांत 1994 वर्सा तो वास्कोच्यान आमदार म्हुण वेंचून आयलो. 1995 वर्सा कांय तेंपा खातीर महसूल, खेळ आनी वीजमंत्री पदय ताणें सांबाळ्ळें. उपरांत 2012 वर्सा तो भारतीय जनता पार्टींत भितर सरलो.

पक्षाच्या उपाध्यक्षपदाचो भार सांबाळपा बरोबरच, 2012 वर्सा ताणें मंत्रीपदाच्या दर्ज्याचें अनिवासी आयुक्तपदय सांबाळ्ळें.

डॉ. मिश्किता फामाद गायनेकॉलॉजिस्ट आशिल्लो. वास्को तो नर्सिंग होम चलयतालो. 17 जुनाक ताका उपचारां खातीर मुंबयच्या हिंदूजा हॉस्पिटलांत भर्ती केल्लो.

मुंबयच्यान मंगळारा ताची कूड ताज्या घरा हाडल्या उपरांत सगल्या राजकी पक्षांचे फुडारी आनी ताचे बरे मागपी चिखलेच्या ताच्या घरा जमिल्ले.

मुख्यमंत्री दोतोर प्रमोद सावंता सयत जायत्या मानेस्तांनी ट्विटर आनी फेसबुकाचेरय ताका आर्गां ओंपलीं.

मिश्किताचे निमणे इत्सेप्रमाण हिंदू पद्दतीप्रमाण मंगळारा इकरा वरांचेर ताचे कुडीचेर निमणे संस्कार जाले. ताचे आदीं 10.30 वरांचेर वास्कोचे सेंट एण्ड्र्यु चर्चींत मिस जालें.  

Reporter: HIru Mahale | Desk: Sushant Gawas | Editing:



What do you feel

Click here