State mourning for seven days till 22 August has been declared by Central Government.
A State Funeral would be accorded to Shri Atal Bihari Vajpayee at Smriti Sthal, New Delhi.
The whole country will observe official mourning for seven days. He would be cremated on Friday at Vijay Ghat at 5 in the evening.
Atalji was the BJP's tallest leader. He was confined to a wheelchair for the last nine years after he suffered a stroke and lost his speech and also his memory due to dementia. He was admitted to hospital on 11th June with a urinary tract infection and chest congestion and his condition had become critical since 15th August.
He died at 5.05 pm on Thursday.
The mortal remains of former PM Atal Bihari Vajpayee will be kept at the BJP headquarters in Delhi on Friday for last tributes.
अटल बिहारी वाजपेयी म्हटल्यार
भारतीय जनता पार्टींतलें सगळ्यांत उत्तुंग व्यक्तिमत्व. 2009 वर्सा स्ट्रोक
येतसावन फाटलीं णव वर्सा वाजपेयी व्हील चॅराचेरच आसलो. ताची वाचा गेल्ली आनी
उपरांत डिमेन्शियाक लागून यादय गेल्ली. मुताचें इन्फेक्शन जालां आऩी हड्डें भल्लां
म्हुणून 11 जूनाक ताका हॉस्पिटलांत घाल्लो. 15 ऑगस्टासावन ताची भलायकी पुराय
इबाडिल्ली. बिरेस्तारा सांजे 5 जावन 5 मिण्टांचेर ताणे आपले जिणेची यात्रा
सोंपयली. अंतीम दर्शनाखातीर ताची कूड शुक्रारा भाजपाच्या मुखेल कार्यालयांत दवरतले.
वाजपेयीची
राजकी कारकिर्द थोडकेभीतर सांगची जाल्यार अशी – 1951 वर्सा भारतीय जन संघ स्थापन
करपी एक वांगडी. 1980 वर्सा आणिबाणीउपरांत आयिल्लें सरकार पडटकीर ताणे जन संघाची
भारतीय जनता पार्टी केल्ली. 1957 ते 2004 ह्या काळांत धा फावटीं तो लोकसभेचो
खासदार म्हूण वेंचून आयिल्लो. तीन फावटीं भारत देशाचो प्रधानमंत्री जाल्लो. पयलो
1996 वर्सा फकत 13 दिसांचो. उपरांत 1998 ते 99 मेरेन इकरा म्हयन्यांखातीर. आनी
उपरांत 1999 सावन 2004 मेरेन पुराय पांच वर्सां ताचें सरकार चल्लें. आणिबाणीउपरांत
जाल्ल्या मोरारजी देसायाच्या जनता सरकारांत तो परराष्ट्र मंत्री आशिल्लो.
राष्ट्रपती रामनाथ कोविंदान वाजपेयीक आर्गां ओंपतना
म्हटलां – भारतान एक मुत्सद्दी राजकारणी वगडायला. एक कुशळ संघटक, दूरदिश्टी
आशिल्लो राजकारणी, परिपक्व व्यक्तिमत्व आऩी मुद्देसूद उलोवपी म्हूण वाजपेयी वयर
सरिल्लो. अत्यंत नम्र असो पूण तितलीच उंचाय आशिल्लो मनीस आमी वगडायला.
प्रधानमंत्र नरेन्द्र मोदीन
ट्विट करतना म्हटलां – ताणे आपली पुराय जीण भारत देशाखातीर ओंपिल्ली आनी
निमणेमेरेन तो देशाच्या फुडाराखातीर वावुल्लो.
काँग्रेस अध्यक्ष राहुल गांधी
म्हणटा – कोट्यांनी लोकांनी उपाट मोग केल्लो भारत देशाचो एक महान पूत संवसाराक
अंतरलो.
अमेरिकेच्यान आर्गां ओंपतना
गोंयचो मुख्यमंत्री मनोहर पर्रीकार म्हणटा – भारत देश आनी लोकांखातीर प्राणपणान
वावुरपी खरोखुरो लोकसेवक आमच्यामदीं आज ना.
हे
भायर गोंयच्या राजकी फुडाऱ्यांनीय वाजपेयीक आर्गां ओंपल्यांत.
2005 वर्सा मुंबय जाल्ले एके
सभेंत अचकीतपणान ताणे राजकारणांतल्यान निवृत्त जावपाची घोशणा केल्ली. खासा करून
भलायकी बिगडत वताली देखून.
2009 सावन तो आपल्या
दिल्लींतल्या कृष्ण मेनन मार्गावेल्या बंगल्यांतच रावतालो. चडसो केन्ना भायरय
सन्नाशिल्लो. सोडून हॉस्पिटलांत चेकप करपाखातीर.