सांखळे सुरू केल्ली खण बेकायदेशीरच : रमेश गांवस

एके खणीक पर्यावरणाचो पाचवो बावटो दाखोवन ती सुरू करपाक परवानगी दिल्या उपरांत तो गोंयांत चर्चेचो विशय जावन रावलो. पूण पर्यावरण चळवळींतलो एक वावुरपी रमेश गांवस म्हणटा, हें बेकायदेशीर आनी अशक्यय.

कारण सर्वोच्च न्यायालयान दिल्ल्या आदेशा प्रमाण गोंयांत खणींचे लीजच अस्तित्वांत नात.

नवे लीज दिवपाचे जाले जाल्यार पावणे बगर दिवप शक्य ना. पळयात रमेश गांवसाचें म्हणणें.

नथुरामल मायनिंग कंपनीक एक खण सुरू करपाक गोंय सरकारान परवानगी दिल्या.

ते खातीर पर्यावरणीय दाखलो रोखडोच मेळटलो अशें हे कंपनीचो मुख्य कार्यकारी अधिकारी हरेश मेलवानी म्हणटा. जाल्यार पर्यावरण चळवळींतलो वावुरपी रमेश गांवसाच्या मतान हाका कितेंच अर्थ ना.

खणी चालू करपाक सरकारान परवानगी दिल्या उपरांत कोण तरी कोर्टांत वतलो आनी परतून खणी बंद पट्टल्यो.

गोंय सरकारान खणी सुरू करपाचे दिकेन घेतिल्ली ही एक चांचणी अशेंच रमेश गांवसाक दिसता.