20 वर्सां पयलींच्या कन्सेशनांच्या रुपांतरण प्रकरणाची 15 एप्रिलाक सुनावणी
29 Mar 2019 06:46 PM
णव न्यायाधिशांच्या न्यायमंडळा
मुखार केशीची सुनावणी जातली.
पोर्तुगीज टायमावेल्या एबॉलिशन अँड डिक्लेरेशन ऑफ मायनिंग लिजेस कायद्याक खण कंपनीन आव्हान दिल्लें.
तेन्नाच्या पोर्तुगीज सरकारान गोंयच्या मिनेरांक दिल्ली खणींची कायमस्वरुपी कन्सेशनां रद्द करून ताचें लिजांत रुपांतरण केल्लें.
भारत सरकारान 1989 वर्सा हो कायदो लागू केल्लो. पूण तो चालीक लावपाक
मात आरंब केल्लो 1987 वर्सा. आनी हीं लिजां 2007 वर्सा सोंपलीं.
सत्तरी तालुक्यांतल्या खण कामगारांनी सांखळेच्या रवींद्र भवनांत वचून मुख्यमंत्री प्रमोद सावंताची भेट घेतली.
सर्वोच्च न्यायालयांत गोंयची बाजू मांडपा खातीर एडव्होकेट जनरलाक धाडू नाकात, अशी विनवणी तांणी मुख्यमंत्र्याक केली.
खण प्रस्न सोडोवपा खातीर ताणें ह्या विशयाचो खोलायेन अभ्यास करपाक सुरवात केल्या. तशेंच ताचे दिल्ली भेटींत ताणें संबंधितां वांगडा चर्चाय केल्ल्याचें मुख्यमंत्र्यान सांगलें.
What do you feel
Click here