गोंयचो खण प्रस्न सुटावो करपा खातीर तांकां नवो मार्ग मेळ्ळा अशें भाजपाच्या नेत्यांनी सांगिल्लें. पूण खण कामगार जेन्ना प्रधानमंत्र्याक मेळ्ळे तेन्ना आश्वासनां बगर तांच्या पदरांत कांयच पडलें ना.

मनांत व्हडली आस्त वाळगून गोंयचें शिष्टमंडळ दिल्ली गेल्लें. भाजपाचे तिनूय खासदार, सभापती प्रमोद सावंत, मंत्री विश्वजीत राणे, निलेश काब्राल, दीपक पावस्कार, मगो तशेंच गोवा मायनिंग पिपल्स फ्रंटाच्या तिनूय फुडाऱ्यांचो ह्या शिष्टमंडळांत आसपाव आशिल्लो.

सर्वोच्च न्यायालयाच्या निर्णयाक आव्हान दिवपाक शकना, अशा नकारार्थी उच्चारान प्रधानमंत्री नरेंद्र मोदीन उलोवपाक सुरूवात केल्या, अशें GMPFचो समन्वयक पुती गांवकारान सांगलें. गोवा 365यन ताका फोन केलो तेन्ना तो कितें उलयलो तें आयकात.

खण प्रस्न सोडोवपा खातीर खंयचो नवो मार्ग सोदला, हाची म्हायती मेळोवपा खातीर गोवा 365यन भाजपाच्या खासदारांकडेन संपर्क सादपाचो यत्न केलो.

सरकाराकडेन 3 हजार पाचशें कोटी रुपयांच्या अर्थिक मजतीची मागणी करतले अशें मगोचो आमदार दीपक पावस्कारान सांगिल्लें. पूण पुती सांगता हे विशीं कोण उलोवंकच ना.

कायद्याचे चौकटींत रावून जें कितें करपाक मेळटलें तें करतलों, अशें आश्वासन प्रधानमंत्र्यान दिलां, अशें खासदार नरेंद्र सावयकारान सांगलें.

प्रधानमंत्री नरेंद्र मोदीन जें कितें आश्वासन दिलां ताका गोवा फॉर्वडाचो मंत्री विजय सरदेसायान येवकार दिला. पूण एका बसकेंत खण प्रस्नार मार्ग काडप शक्य ना.

खण प्रस्नार मार्ग काडप शक्य जालें ना, जाल्यार लोकसभेचे वेंचणुकेंत भाजपाक परिणाम भोगचे पडटले, अशेंय ताचें म्हण्णें.

गोंय सरकारान 2015 वर्सां नुतनीकरण केल्ल्या 88 खण कंपन्न्यांचीं लिजां सर्वोच्च न्यायालयान रद्द केल्लीं. तेन्ना सावन खणी रोखड्योच सुरू जातल्यो, अशीं आश्वासनां खण कामगारांक मेळत आसात. 

गोंयचो खण प्रस्न सुटावो करपा खातीर तांकां नवो मार्ग मेळ्ळा अशें भाजपाच्या नेत्यांनी सांगिल्लें. पूण खण कामगार जेन्ना प्रधानमंत्र्याक मेळ्ळे तेन्ना आश्वासनां बगर तांच्या पदरांत कांयच पडलें ना.

मनांत व्हडली आस्त वाळगून गोंयचें शिष्टमंडळ दिल्ली गेल्लें. भाजपाचे तिनूय खासदार, सभापती प्रमोद सावंत, मंत्री विश्वजीत राणे, निलेश काब्राल, दीपक पावस्कार, मगो तशेंच गोवा मायनिंग पिपल्स फ्रंटाच्या तिनूय फुडाऱ्यांचो ह्या शिष्टमंडळांत आसपाव आशिल्लो.

सर्वोच्च न्यायालयाच्या निर्णयाक आव्हान दिवपाक शकना, अशा नकारार्थी उच्चारान प्रधानमंत्री नरेंद्र मोदीन उलोवपाक सुरूवात केल्या, अशें GMPFचो समन्वयक पुती गांवकारान सांगलें. गोवा 365यन ताका फोन केलो तेन्ना तो कितें उलयलो तें आयकात.

खण प्रस्न सोडोवपा खातीर खंयचो नवो मार्ग सोदला, हाची म्हायती मेळोवपा खातीर गोवा 365यन भाजपाच्या खासदारांकडेन संपर्क सादपाचो यत्न केलो.

सरकाराकडेन 3 हजार पाचशें कोटी रुपयांच्या अर्थिक मजतीची मागणी करतले अशें मगोचो आमदार दीपक पावस्कारान सांगिल्लें. पूण पुती सांगता हे विशीं कोण उलोवंकच ना.

कायद्याचे चौकटींत रावून जें कितें करपाक मेळटलें तें करतलों, अशें आश्वासन प्रधानमंत्र्यान दिलां, अशें खासदार नरेंद्र सावयकारान सांगलें.

प्रधानमंत्री नरेंद्र मोदीन जें कितें आश्वासन दिलां ताका गोवा फॉर्वडाचो मंत्री विजय सरदेसायान येवकार दिला. पूण एका बसकेंत खण प्रस्नार मार्ग काडप शक्य ना.

खण प्रस्नार मार्ग काडप शक्य जालें ना, जाल्यार लोकसभेचे वेंचणुकेंत भाजपाक परिणाम भोगचे पडटले, अशेंय ताचें म्हण्णें.

गोंय सरकारान 2015 वर्सां नुतनीकरण केल्ल्या 88 खण कंपन्न्यांचीं लिजां सर्वोच्च न्यायालयान रद्द केल्लीं. तेन्ना सावन खणी रोखड्योच सुरू जातल्यो, अशीं आश्वासनां खण कामगारांक मेळत आसात.