मायनींग लुकसाण फकत 3500 कोटी?
मायनींग लुकसाण फकत 3500 कोटी?
25 Jul 2018 04:59 PM
राज्याक 35 हजार कोटी रुपयाचें लुकसाण जालां अशें शाह कमीशनान सांगिल्लें तें सारकें ना कारण तें लिजाच्या वाठारां भायर आशिल्ल्या वाठारांत काडिल्ल्या मिना बाबतींत आशिल्लें अशें मुख्यमंत्री मनोहर पर्रिकारान म्हणिल्लें.
खरें कितें तें सगलें सोदून काडपाक सुमार तीन म्हयने लागतले आनी ताचें उपरांत कितली येणावळ येवपाची आसा तें कळटलें अशें पर्रिकार म्हणटा.
शाह रिपोर्टाक लागून सरकार बरेंच हालिल्लें. मायनींगाचेर दोळो दवरपाक सरकाराची यंत्रणा कशी फांटी पडल्या आनी राज्याक कशे तरेन लुकसाण जालां तें तांणीं नदरेक हाडून दिल्लें. ह्या सगल्या बाबतींत गजाली स्पश्ट करपाक मुख्यमंत्र्यान पत्रकार परिशद घेतिल्ली. आयकात तो कितें सांगता तें.
शाह कमिशनाच्या रिपोर्टा प्रमाण राज्याक मायनींगाचे येणावळींत राज्याक कितलें लुकसाण जालां ताचेर काँग्रेस आमदार लुईझीन फालेरान प्रस्न विचारिल्लो.
What do you feel
Click here