खण पिडेस्त अर्थीक हक्कां पसून वंचीत, सरकार उशाक घेवन न्हिदलां 186 कोटी!
खण पिडेस्त अर्थीक हक्कां पसून वंचीत, सरकार उशाक घेवन न्हिदलां 186 कोटी!
11 Nov 2019 07:30 PM
मिनेरल फावंडेशनान फाटल्या चार वर्सांत खण वाठारांतल्या लोकां खातीर खर्च करपाक म्हण 187 कोटी रुपया घेतल्यात.
भौशीक सुवातांतले एकूण 12 प्रकल्प ते खातीर अधोरेखीत केल्यात.
पूण खरेपणी फकत एक कोटीच खर्च केला.
पियेवपाच्या उदकाचेर. एकूण फंडाच्या अर्दो टक्को.
गोंय सरकाराच्या खण संचालनालयाची ही वॅबसायट पळयात. हातूंत पळयात हें डिस्ट्रिक्ट मिनेरल फावंडेशन.
उजवे वटेनच्या कोनशाक कितें बरयलां पळयात.
1 एप्रील 2015 सावन 31 मार्च 2019 मेरेनचें टोटल कलॅक्शन.
खण पिडेस्त वाठारांनी डिस्ट्रीक्ट फावंडेशनांक पुराय फंड मोडचो पडटा.
आतां पळयात हे 12 वाठार. आनी प्रकल्पांचेर मोडिल्लो दुडू.
झाडां लावप-शून्य.
शिक्षण- शून्य, पर्यावरण- शून्य.
भलायकेची जतनाय- शून्य. हावसिंग-शून्य. मुळाव्यो सुविधा- शून्य.
शेतां खातीर मजत- शून्य, नितळसाणे खातीर-शून्य.
स्कील डिव्हलॉपमॅंट- शून्य, खेळां खातीर- शून्य.
आतां मेरेन मिनेरल फावंडेशनान दुडू मोडल्यात ते फकत पियेवपाच्या उदकाचेर.
तेवूय सोनशी आनी हेर वाठारांत खणींक लागून सुकें पडल्या उपरांत गोवा फावंडेशन कोर्टांत गेलें तेन्ना.
उदका पुरवणेचेर मिनेरल फावंडेशनान एकूण 1 कोटी मोडला. 63 लाख उत्तरेंत, जाल्यार 44 लाख दक्षिणेंत.
आनी उदका खातीर हो दुडू खंय खंय वापरला, पळयात.
WORKS NORTH GOA SOUTH GOA
500
Syntex Tanks Kudne, Ovaliye &
Pissurlem None
Water
connections Sonshi None
Tanker water Pissurlem, Sonshi, Mulgao & Lamgao Rivona, Kaley, Caurem-Pirla & Morpirla
ही भानगड गोवा फावंडेशनाचो संचालक दोतोर क्लॉड आल्वारिसान उक्ताडार हाडल्या.
एकी वटेन खणी बंद पडिल्ल्यान खण वाठारांतले लोक जगपा खातीर संघर्श करतात.
खणी पर्थून सुरू जावपाचीं चिन्ना दिसनात.
फकत जातल्यो जातल्यो अशीं हवेंतलीं उतरां तितलीं मेळटात.
आनी दुसरे वटेन मिनेरल फावंडेशनान खण पिडेस्त वाठारांनी मोडूंक नाशिले 186 कोटी सरकार उश्याक घेवन न्हिदलां.
What do you feel
Click here