live streaming
फुडल्या सप्तकांत मायनिंगाचेर परत शिश्टमंडळां वतलीं दिल्ली
फुडल्या सप्तकांत मायनिंगाचेर परत शिश्टमंडळां वतलीं दिल्ली
09 Nov 2018 07:26 PM
श्रीपाद नायक म्हणटा फुडल्या 15 दिसांभीतर सगळें जाग्यार पडटलें.
सभापती प्रमोद सावंत म्हणटा फुडल्याच सप्तकांत शिश्टमंडळां दिल्ली वतलीं.
मात बिरेस्तारा सांजे मुख्यमंत्र्यान घेतिल्ल्या बसकांची कसलीच अधिकृत म्हायती अजून लोकांक दिल्ली ना.
एमएमडीआर कायद्यांत बदल करपाचो वटहुकूम काडचे नात अशें केंद्र सरकारान थारायलां हें कळ्ळेबराबर मुख्यमंत्री मनोहर पर्रीकारान बिरेस्तारा सांजेच मायनिंग अवलंबीत आनी वरिश्ठ अधिकाऱ्यांच्यो बसका घेतल्यो असो ट्वीट घातलो.
मात ह्या बसकांतल्यान कितें थाल्लें तें मात अजून मुख्यमंत्र्याच्या कार्यालयान लोकांक सांगिल्लें ना.
दुसरे वटेन ही बामती कळटकीर रागार जाल्ले हजारांनी मायनिंग अवलंबीत सभापती प्रमोद सावंताक मेळपाक सांखळे रविन्द्र भवनांत गेले.
तांणी जवळजवळ ताका घेरावच घातलो. तांचो फुडारी पुती गांवकार म्हणटा, फुडल्या सप्तकांतच दिल्ली वचून केंद्रीय फुडाऱ्यांक मेळपाचें उतर तांकां सावंतान दिलां.
हे वटेन पणजे योगाचे एके कार्यावळीक आयिल्ल्या आयुष मंत्री श्रीपाद नायकाक पत्रकारांनी धल्लो.
तो म्हणटा 15 दिसांत सगळें जाग्यार पडटलें.
भाजपा सरकारान फटिचीं आस्वासनां दिवन लोकांक फटयलां अशें राष्ट्रवादीचो गोंयचो अध्यक्ष जुझे फिलीप डिसोझा म्हणटा.
बार्जीकार मात म्हणटात कायद्यांत बदल करप हो एकूच उपाय आसा.
तेन्नाच मायनिंग परत सुरू जातलें.
What do you feel
Click here
