गोंयच्या मिना खणींचीं लिजां वाडोवपाक केंद्राचो न्हयकार
गोंयच्या मिना खणींचीं लिजां वाडोवपाक केंद्राचो न्हयकार
16 Sep 2019 07:09 PM
देशांतल्या बऱ्याचश्या खणिंचीं लिजां मार्चांत सोंपतात.
तातूंत गोंयच्यो भोवतेक सगळ्योच मायनी आसात.
तांकां मुजतवाड दिवपाक केंद्रान न्हयकार दिला. तांची आतां नव्यान पावणी जातली.
मात केंद्रीय मंत्र्याच्या पंगडाचे फुडले बसकेंत वेगळो निर्णय जातलो अशी आस्त मुख्यमंत्री डॉ प्रमोद सावंताक आसा.
निती
आयोगान राष्ट्रीय पांवड्यार हो निर्णय घेतला.
गोंय धरून देशांतल्या 334 खणींविशीं. सगळ्यो नॉन-कॅप्टिव्ह.
म्हटल्यार जे लीजधारक मीन आपल्याच उद्येगाखातीर वापरनात त्यो मायनी. गोंयांत अशीं लिजां नात.
असल्यो 46 खणी देशभर चालू आसात.
चडश्यो गोंयांत. दिल्लीच्यान खबर येता ते प्रमाण गोंयच्यो वेदांता, साळगांवकार धरून सगळ्यो खणी.
हो निर्णय आपूण जाणा. पूण आमी केंद्रीय मंत्र्यांचे बसकेची वाट पळयतात अशें गोंयचो मुख्यमंत्री म्हणटा.
कला अकादमी इमारतीच्या स्थितीच्या अहवालाची वाट सगळेच पळयताले.
तो अहवाल सरकाराक दिला. ताचेर अभ्यास करून निर्णय घेतले अशें मुख्यमंत्री म्हणटा.
इमारत दुरुस्त करून थंयच अंदूंचोय इफ्फी जातलो अशीय आस्त तो परगटायता.
दर्यादेग
वाठार वेवस्थापन येवजण दिलिना म्हूण राष्ट्रीय हरीत लवादान शॅकांचें धोरण आडावन दवल्लां.
पूण आमी नोव्हेंबर मेरेन येवजण दितात, मात शॅकांचें धोरण संमत करचें अशी विनवणी आमी लवादाकडेन करतले हें मुख्यमंत्र्यान परत एक फावट सांगलां.
What do you feel
Click here