live streaming
झुवारी बंद करता जाल्यार जमीन घेयात परत : विश्वजीत
झुवारी बंद करता जाल्यार जमीन घेयात परत : विश्वजीत
18 Oct 2019 07:22 PM
झुवारी एग्रोन साऱ्याचो कारखानो बंद करपाचें थारायलां, जाल्यार सरकारान तांकां दिल्ली जमीन पर्थून ताब्यांत घेवची, अशें उद्देगमंत्री विश्वजीत राणेन म्हटलां.
ताच्या पक्षांतले वांगडी आनी कुठ्ठाळेची आमदार एलिना साल्ढाणा म्हणटा, हो कारखानो बंद जावचो ना.
गोंयचो पयलो मुख्यमंत्री भाऊसायब बांदोडकारान 25 पैशे स्क्वेअर मीटराच्या दरान झुवारी एग्रोक हजार एकर जमीन दिल्ली. पूण पांच दसकां उपरांत युरिया आनी हेर साऱ्यांचें उत्पादन फाटल्या तीन म्हयन्यां सावन बंद आसा.
झुवारी एग्रो साऱ्याचो कारखानो बंद करून ही जमीन रियल इस्टेटीखातीर वापरपाक सोदतात, अशें कामगार संघटना म्हणटा. उद्देगमंत्री विश्वजीत राणेन हाचेर आपली प्रतिक्रिया उक्तायल्या.
भाजपाची आमदार एलिना म्हणटा कारखानो बंद जावचो ना. अर्थिक संकटांतल्या भायर पडपा खातीर केंद्रान कारखान्याक अनुदान दिवपाक सुरवात केल्या.
What do you feel
Click here
