पेडणें महामार्गान घेतलो 15 वो बळी, थळावे करतले रस्तो बंद!
पेडणें महामार्गान घेतलो 15 वो बळी, थळावे करतले रस्तो बंद!
25 Feb 2020 03:18 PM
तीन दिसां आदीं ह्या महामार्गार तोरश्यां एका युवकाक जीव वगडावचो पडलो.
पुलिसांनी एकल्याक अटक केल्या, पूण ह्या अपघाताक जापसालदार धरत रस्त्याचें काम करपी कंत्राटदाराच्या विरोधांत एफआयआर नोंदयात अशें थळाव्यांनी मागलां.
हे कारवाये खातीर सरकाराक 15 दिसांची डॅडलायनय दिल्या.
ना जाल्यार पेडणेकारांनी रास्ता रोको करपाचें ठरयलां.
कितलोसोच तेंप जालो एनएच 66 महामार्गाचें काम चालू आसा.
कोलवे ते पत्रादेवीचो रस्तो जाल्यार मरणाचो मार्ग दाखयता.
हेच्या आदीं ह्या रस्त्यान 15 जाणांचे बळी घेतल्यात.
तरीकय कंत्राटदारान ते कडेन दुर्लक्षच केलां.
दर खेपे लोकांनी आंदोलनां केलीं, मागण्यो केल्यो, पूण परिस्थिती सुदारली ना.
कंत्राटदाराक सरकाराचें अभय मेळत रावलें.
आतां परत एक बळी गेल्ल्यान लोकांनी मंगळारा पेडणेंचो पुलीस निरीक्षक संदेश चोडणकाराक घेराव घालून कंत्राटदाराक अटक करपाची मागणी केली.
ह्या विशयावयल्यान लोक पेडणेंच्या ट्रॅफिक पुलिसांकय वचोन मेळ्ळे.
What do you feel
Click here