बुन्यादी फातरय बसोवंक दिवचो ना; केशी फाटी घे : विश्वजीताचें मुख्यमंत्र्याक पत्र

बुन्यादी फातरय बसोवंक दिवचो ना; केशी फाटी घे : विश्वजीताचें मुख्यमंत्र्याक पत्र

12 Jan 2021 04:39 PM

जो पर्यंत हांव राजकारणांत आसां, तो पर्यंत सत्तरींत डिमार्केशन सोडाच, बुन्यादी फातर लेगीत कोणाक लावंक दिवचों ना.



लोकांक नाका जाल्यार म्हाज्या मतदारसंघांत म्हाकाय आयआयटी जाल्लो नाका.

मुख्यमंत्र्याक हांवें पत्र बरोवन कळयलां, जांचेर गुन्याव दाखल केल्यात तेवूय फाटीं घेयात.

तशेंच ज्या पुलिसांनी बायलांचेर हात उखल्ल्यात तांचेर कारवाय करपाचीय विनवणी त्या पत्रांत केल्या.

सत्तरीचो आमदार आनी भलायकीमंत्री विश्वजीत राणेचीं हीं उतरां.मेळावलेच्या रणांतल्यान शेवटाक विश्वजीतान माघार घेतली.

आपल्या मतदारसंघांतलो आयआयटी प्रकल्प दुसरे कडेन खंय तरी घेवन वच, तेणें मुख्यमंत्री प्रमोद सावंताक विनवणी केल्या.  

बॉल आतां सरकाराच्या रिंगणांत आसा.  

मेळावलेकारांनी पयलें जैत जिखलें.

पूण आंदोलकांवयल्यो केसी, बायलांच्या हड्ड्यार पांय दवरपी पुलीस अधिकाऱ्याची बदली अश्या मागण्यांचेर सरकार किदें करता तें कळपाचें बाकी आसा.

आयकात विश्वजीतान मुख्यमंत्र्याक केल्ली  विनवणी. 

 लोकशाय म्हटल्यार किदें तें मेळावलेकारांनी दाखोवन दिलें अशें सगळेच उलोवंक लागल्यात.

मेळावलेची सालेली जावपाक दिवं नाकात अशेंय गांवकारांनी सांगलें.

एकचाराबरोबरच शांतीकायेचोय उलो मारलो.

एकठांय जाले गांव जाल्यार किदें करतलो राव अशी म्हण आसा.

मेळावलेकार आनी मेळावलेकारांक तेंको दिवप्यांनी  ही म्हण खरीय करून दाखयली.

ना जाल्यार थळावो आमदार सुरवेक तेमाक पेटिल्लो.

आयकुया तेचीं ह्या प्रकल्पा संदर्भांतलीं ह्या आदीं काडिल्लीं उतरां. 


थळाव्या आमदारान कांय तेंपा आदी म्हटलेलें, आपूण राजकारणांत आससर सत्तरींत आयआयटी उबी रावतलीच.

पूण लोक आंदोलनान लोकशायेचें विराट रूप दाखयल्या उपरांत मंगळारा विश्वजीत राणेन त्याच उतरांची परत याद करून दिली.

आतां ताणें किदें सांगलें पळयात.


मेळावलेचें आंदोलन चिड्डुवपा खातीर सरकारान जायते यत्न केले.

पूण मेळावलेकार भियेले नात. फाटींय सरले नात.

उरफाटे हो प्रकल्प रद्द करपा खातीर मेळावलेचे युवा फौजेन सरकाराक 10 दिसांची डॅडलायनय दिल्ली.

तरीकय मुख्यमंत्री सांगत रावलो, प्रकल्प जातलोच.

आतां तर 14 गांव मेळावलेकारांक सांगाताचो हात दिवपाक आयल्यात.

सुरवात केली ती म्हाऊस आनी धामशेकारांनी.

आतां तर वेळगें, सावड्डें, करमळी, सालेली, तार, कुडशें, कुमठळ, करंझोळ, कुमारखण, पर्यें, खोतोडें, कोरगांवच्या लोकांनीय तेंका तेंको जाहीर केला.

पळयात मंगळारचो एल्गार. 

Reporter: Mahesh Govekar | Desk: Jawahar Barve



What do you feel

Click here