फारान मारात, मागीरच आयआयटी हाडात : शेळ मेळावलेकारांचो एल्गार
फारान मारात, मागीरच आयआयटी हाडात : शेळ मेळावलेकारांचो एल्गार
06 Jan 2021 07:27 PM
तुमी ती दुसरेकडेन व्हरात.
आमच्या पोटार आड येवन तुमका आयआयटी कशीच करपाक दिवचे नात.
आमका फारान मारून उडयात आनी मागीरच आयआयटी हाडात.
रुद्र रुप धारण केल्ल्या शेळ-मेळावलीच्या लोकांनी निर्धार उक्तायलो.
जमनीचें डिमार्केशन करपाक मेळावले गेल्ल्या अधिकाऱ्यांक थळाव्या लोकांनी आडावन
धरले.
हे आंदोलन उधळावन उडोवपाचो पुलिसांनी पुराय यत्न केलो.
पुण लोक आपल्या निश्चेवाचेर ठाम आशिल्ले.
पुलिस निरीक्षक सागर एकोस्कार एके बायलेच्या हड्ड्यार पांय दवरून फुडे गेलो तेन्ना मात लोक खुबळ्ळो.
आंदोलन पेंटलें.
आंदोलक आनी पुलिसांमदी लटाफट जाली.
हातूंत काय आंदोलक आनी पुलिसय जखमी जाले.
जखमी जाल्ल्यांक उपचारां खातीर वाळपयच्या मुळाव्या भलायकी केंद्रांत भर्ती केले.
ना धड जेवण, ना उदक, उपाशी पोटार मेळावलेचो लोक निर्दयी प्रशासनाच्या कारभाराआड
कालच्यान झूज दितात.
प्रकल्प येवपाशिल्ल्या जाग्यार लोकांचीं काजींचीं रेनां आसात.
ह्या काजींच्या जीवारच थळावे लोक आपलें पोट भरतात.
देखून आमचें पोट मारून आयआयटी हाडपाक दिवचे नात, हाचेर लोक ठाम आसात.
लोक खंय आतां शांत जातलो.
तांकां चर्चेखातीर आपयल्यात.
मुख्यमंत्री प्रमोद सावंतान मंत्रीमंडळाचे बसकेंत सांगलें.
आयआयटीक जेन्ना विरोध जावपाक लागलो, तेन्ना थळावो आमदार आनी भलायकीमंत्री विश्वजीत
राणेन सांगलें, आयआयटी पठाराचेर येतली.
खडपांनी बांदकाम जातलें.
झाडां मारची पडचीं नात.
पूण प्रत्यक्षांत मंगळारा आनी बुधवारा रण जालें तें जंगलांतच.
What do you feel
Click here