केरळियनां कडेन सांपडल्यो 1.48 कोटींच्यो फटीच्यो नोटी, पूण लांच न्हयकारपी पुलिसाक मेळूं येता मेमो!
केरळियनां कडेन सांपडल्यो 1.48 कोटींच्यो फटीच्यो नोटी, पूण लांच न्हयकारपी पुलिसाक मेळूं येता मेमो!
10 Jan 2020 08:06 PM | Canacona
1000च्यो बंदी घातलेल्यो एक कोटी 48 लाखांच्यो नोटी घेवन गोंयची बॉर्डर हुपपी पांच केरळीयनांक पुलिसांनी धरले.
ड्युटीचेर आसलेल्या कॉन्स्टेबलाक देड लाखांची लांच दिवपाचो तेंच्यानी प्रयत्न केलो, पूण तो तेंका बदलो ना.
तेणें तेंका धरले खरे, पूण हो प्रकार सोशल मिडियाचेर घातिल्ल्यान वरिश्ठ अधिकाऱ्यांक अळसूद गेलां.
इनामा बदला वरिष्ठां कडल्यान ह्या कॉन्स्टेबलाक मेमोय मेळूं येता.
पळयात पुराय स्टोरी.
डिवायसपी किरण पौडवाल सांगता ते प्रमाण कासारगौडच्यान पांच केरळीयनांनी तीन गोंयकारां कडेन 1000 रुपयांच्यो नोटी बदलपा खातीर संपर्क केलो.
तेंकां काणकोण पोळेंच्या चेकपोस्टाचेर बिरेस्तारा रातीकडेन धरले.
पांचय केरळियनांक अटक केल्या उपरांत पुलीस त्या तीन गोंयकारांच्या सोदांत आसात.
मजगतीं, पुलीस कॉन्स्टेबल भगवान सावंत पोळें चेकनाक्यार ड्युडी
करतालो.
तेणें हें पुराय प्रकरण सोशल मिडियाचेर घातलें.
आपणाक त्या पांचय केरळियांनी देड लाखांची लांच दिवपाचो यत्न जालो, पूण आपणें ती घेतली ना अशेंय तेणें नोंदयलां.
पूण ताचें स्त्रय तेका मेळूंक ना.
तेच्या प्रामाणीकपणाची सोशल मिडियाचेर तोखणाय जावंक लागल्या.
पूण वरिश्ठ अधिकारी म्हणटात हो टीमवर्क.
ताचें स्त्रय एकल्यान घेवप योग्य न्हू. पळयात पौडवालाचो युक्तीवाद.
What do you feel
Click here