live streaming
कुडणेंकारांनी रोमले मातयेंत पांय : खण वांठारांत भाजयेचो चंवर!
कुडणेंकारांनी रोमले मातयेंत पांय : खण वांठारांत भाजयेचो चंवर!
10 Aug 2020 04:54 PM
‘हांव शिक्षक. कोवीडाक लागून बेकार जालों. पूण वगी बसलों ना. आंगणा मुखार जागो आसा. थंय भोव कश्टान भाजयेचो मळो फुलयलो. आयज हांव हक्काची भाजी खातां.’ कुडणेंचो संतोश मळीक सांगता. ‘हांव कंपनीन काम करतालों. आतां शेतांत देंवलां.
ऑफिसांत पगार मेळटालो, पूण हांगा खोशी मेळटा.’ कुडणेंचोच एक ऑफिसर शुभाश मळीक सांगता. खणी बंद, कोविडाक लागून कामां बंद. आतां कशें जातलें? अशें म्हणून निर्शेवन ते वगी बसले नात. तांणी मातयेंत हात घातलो. शेतांत पांय रोवले आनी काडलें पीक. पळयात आमचो खास रिपोर्ट.
सांखळी कुडणे वांठाराक खणींनी रेवाडो घातला. जायते लोक खणींचेर निंबून आसले. आतां खणी जाल्यात बंद. देखून लोक पर्याय सोदतात. सांखळी कुंडणेंकारांक तो होलमला. पार्ट टायम शेतकार आतां फूल टायम शेतांनी पांय रोमतना दिसता. खण वाठारांनी दोडगीं, भेंडे, हळद, चवळी, वाली, चिटकी, आळूचे मळे फुल्लेले पळोवंक मेळटात. आनी हें कश्टाचें फळ. सोदल्यार पर्याय मेळटा हाची बेस बरी देख. पळयात गोवा 365 ची खाशेली स्टोरी.
What do you feel
Click here
