वेर्णे रस्त्याचेर जातात शंबरांनी तरणाट्यांच्यो ड्रॅग रेसी, पळयात हे भिरांकूळ व्हिडियो

वेर्णे रस्त्याचेर जातात शंबरांनी तरणाट्यांच्यो ड्रॅग रेसी, पळयात हे भिरांकूळ व्हिडियो

12 Mar 2020 07:13 PM

आयतारा सांजे कुडचडे-सांग्यावेले तीन सान भुरगे वेर्णा उदयेगीक वसणुकेंतल्या रस्त्यार जाल्ल्या भिरांकूळ अपघातांत जीव वगडावन बसले. उपरांत कळ्ळें, हिंगां शंबरांनी तरणाट्यांच्यो शेनवार-आयतारा ड्रॅग रेशी जातात. आनी ते उमेदीन तेचे व्हिडियो इन्स्टाग्रामार अपलोड करतात. पळयात तेतूंतले हे कांय आंग शिरशिरावपी व्हिडियो.



ड्रॅग रेस ही गोंयच्या तरणाट्यांमदली नेवी क्रेझ. तेकाच लागोन कुडचडें आनी सांग्यावेल्या तिगा 18 वर्सांसकयल्या भुरग्यांचे जीव गेले.


येरादारी नासलेले रिते रस्ते हे भुरगे सोदतात आनी थिंगां स्कुटरी, मोटारसायकली आनी गाडयांच्यो रेशी लायतात.


वेगवेगळे स्टंटय करतात. साद्यो बाजारांत वचपाच्यो स्कुटरी घेवन लेगीत. आनी तेचीं उक्तावणांय केकबी कापोन भर रस्त्यार जातात.


वेर्णा उद्येगीक वसणुकेंतलो उदका टांकयेकडलो रस्तो हो असोच एक तेंचो फेव्हरेट रस्तो आनी ह्यो रेशी जातात सोशल मिडियाचेर मॅसेजी धाडोन.


इन्स्टाग्रामार वचोन ड्रग रेस वेर्णा म्हूण मारात. असले शंबरांनी व्हिडियो आनी तेतूंत वांटो घेवपी तरणाट्यांचे फोटू आनी व्हिडियो पळोवंक मेळटले

Desk: Bureau



What do you feel

Click here