म्हापश्याक मागास दवरपी हो पालिका वॉर्ड केन्ना सुदरतलो???

थंय वीज खातें कशें काम करता?

थंय भौशीक बांदकाम खात्याचो कसो वावर चल्ला?

थळावे नगरपालिकेन लोकांची कितली काळजी घेतल्या?

जनतेची भलायकी, सुखसोयींचे बाबतींत गोंय सरकार कितलें गंभीर आसा?

कोणाक विचारपाची गरज ना.

म्हापसा नगरपालिकेच्या वॉर्ड नंबर 15 त येवचें आनी उदरगतीचें दर्शन घेवचें.

चला, पळोवया ही उदरगत. 

 खंयच्याय वाठाराची उदरगत जाणा जावन घेवपाची जाली, जाल्यार थंयच्यो मुळाव्यो गरजो आनी सुविधा तपासून पळोवच्यो.

म्हापशेची उदरगत फूटपट्टी लावन मेजपाची जाली जाल्यार ह्या वाठाराची अवतिकाय पळोवची.

म्हापसा नगरपालिका वॉर्ड नंबर 15 त व्हरपी हो भौशीक रस्तो.

पळयात कितलो सुळसुळीत आनी कितलो गुळगुळीत, आनी ह्यो हांगाच्या लोकांक राखण दिवपी राखणे वण्टी.

पळयात कितल्यो भरभक्कम.

कितली राखण दितात त्यो, आनी ह्यो सिवरेजीच्यो पायप लायनी.

कितल्यो जतनायेन व्हेल्यात.

ही उदरगत काय अबरगत, तुमीच थारावचें.

आनी आतां पळोवया वीज खात्याची एक व्हडली करामत.

ह्यो  लोकवस्तींतल्यान गेल्ल्यो हाय टेन्शन वीजेच्यो वायरी.

नेमां प्रमाण त्यो उंचायेर नात. जाल्यार ह्याच प्रभागांतल्या एका घराच्या दारांतल्यान त्यो गेल्यात.

 वायरी पोंदा उबो रावून कोणें आळस काडलो जाल्यार तेचें त्याच खिणाक राम नाम सत्य जावपाचें.

थळाव्यांनी पालिकेचे नदरेक हो प्रकार हाडून दिलो.

साबार कागाळी पावयल्यो.

पूण कोणाकच ही गजाल गंभीर दिसली ना जावं ये.

पळयात, थळाव्यांनी वीजमंत्री, मुख्यमंत्र्याक मारिल्लो उलो.