सगळ्या चेक नाक्यांचेर नुस्त्याचें चेकिंग, फॉर्मेनील सांपडल्या नुस्तें नश्टः नुस्तेंमार मंत्र

सगळ्या चेक नाक्यांचेर नुस्त्याचें चेकिंग, फॉर्मेनील सांपडल्या नुस्तें नश्टः नुस्तेंमार मंत्र

17 Jul 2018 08:35 PM

गोंयकार नुस्तें घेवपाक थर्त भियेता. कारण नुस्त्यांत फॉर्मेलीन घालतात काय ना तें सरकाराच्या एफडीएन एकूच दीस चेक केलें आनी मागीर सोडून दिलें. तेंय बी फाटल्या बिरेस्तारा.



पूण आतां नुस्तेंमारी मंत्री विनोद पालयेकारान घोशणा केल्या. गोंयांत नुस्तें भीतर सरता थंय सगळ्याक नुस्त्याचें चेकिंग जातलें. पूण फुडल्या सप्तकांतल्यान.

आनी जर तातूंत फॉर्मेलीन वा आनीक कसलेंय रसायन सापडलें जाल्यार थंयच तें जप्त करतलें आनी तें नश्ट करतले.

भायल्यान येता त्या झेलाद नुस्त्याक फॉर्मेलीन घालतात देखून गोंयकार पुराय आबूज जाला.

तरीकय गोंय सरकाराच्या अन्न आनी वखदां प्रशासन खात्यान फकत एकूच दीस नुस्तें चेक केलें. पयलीं सांगलें तातूंत फॉर्मेलीन आसा.

मागीर सांगीत रावले, आसा तें फॉर्मेलीन मर्यादेभीतर आसा, तेन्ना हुस्को करपाची गरज ना.

पूण मर्यादेंतल्या फॉर्मेलिनाक शास्त्रज्ञांनी आव्हान दिलें तेन्ना आतां ते सांगतात, मर्यादेभीतर हें उतर चुकीचें आशिल्लें.

हें सगळें जातकीर आतां गोंय सरकार जागें जालां. पळयात नुस्तेंमारी मंत्री विनोद पालयेकार कितें सांगता तें.

मडगांवचो इब्राहीम शेख हो भायल्यान नुस्तें हाडपी गोंयचो मुखेल एजंट. भायल्यान नुस्तें येवप उणें जालां हें आतां तोय मान्य करता.

तोय आतां देस्पेराद जाला. ताकाय सरकारान चेकिंग केल्लें जाय. फकत नुस्त्याचेंच न्हय. भाजी आनी फळांचेंय.

Reporter: Sandeep Tuenkar | Editing:



What do you feel

Click here