जात, धर्म, पंथ आनी राजकी भेद कुशीक दवरून भारताची धर्मनिरपेक्ष बुन्याद घटमूट दवरपाखातीर लोक एकठांय येवंक लागल्यात.

वास्को फाटोफाट मडगांवांय हेचेर मोर्चे आनी सभा जाल्यो.

दुसरे वटेन ह्या कायद्याक तेंको दिवपाक भाजपान फोंड्यां कार्यावळ केली.

मडगांवची सभा बरीच व्हडली जाली.

जेएनयूंतल्या विद्यार्थ्यांचेर जाल्ल्या हल्ल्याचोय सभेन निशेध  केलो.मडगांवच्या लोहिया मैदानाचेर सुदारीत नागरिकत्व कायद्याच्या विरोधांत जाल्ले सभेंत  सीएए आनी एनआरसीक खर विरोध जालो.

तेच बरोबर सगळे भेद कुशीक सारून भारताची धर्मनिरपेक्ष वळख तिगोवन दवरपा खातीर झुजतले, राज्य घटनेंतलीं मुळावी मुल्यां माड्डुवपाक दिवचे नात, अशे कांय म्हत्वाचे थाराव घेतले आनी भारतीय राज्य घटनेंतलीं धर्मनिरपेक्ष मुल्यां सांबाळून दवरपाचें केंद्र सरकाराक आवाहनय केलें.  

 मुस्लीम समाजाच्या राजकी अस्तित्वा कडेन फकत एक व्होटबॅंक म्हण पळोवपी काँग्रेसीन फकत आपल्या फायद्या खातीर सुदारीत नागरिकत्व कायद्याचे बाबतींत लोकांची दिशाभूल करपाचो यत्न चलयला असो आरोप राज्यसभा खासदार आनी भाजपाचो राष्ट्रीय उपाध्यक्ष डॉ. विनय सहस्त्रबुद्धेन केलो.

सुधारित नागरिकत्व कायदो आनी तेच्याचे फाटलें सत ह्या विशयाचेर आयतारा फोंडा भाजपा मंडळान आल्मेदा हायस्कुलांत युवा दिना निमतान कार्यावळ घडोवन हाडली.

त्यावेळार डॉ. विनय सहस्त्रबुद्धे उलयतालो.

आयतारा वास्कोच्या नागरिकांनी सुदारीत नागरिकत्व कायद्याच्या विरोधांत वास्को शारांत व्हडली रॅली काडली.

महात्मा गांधीचे फोटे आनी तिरंगे लोकांचें लक्ष ओडून घेताले.

नगरपालिका, स्वतंत्रपथ, वास्को चर्च आनी परत पालिके कडेन रॅली पावल्या उपरांत जाहीर सभा जाली.

शेंकड्यांनी लोकांनी रॅलींत वांटो घेतलो. पळयात ते खीण.
 

जात, धर्म, पंथ आनी राजकी भेद कुशीक दवरून भारताची धर्मनिरपेक्ष बुन्याद घटमूट दवरपाखातीर लोक एकठांय येवंक लागल्यात.

वास्को फाटोफाट मडगांवांय हेचेर मोर्चे आनी सभा जाल्यो.

दुसरे वटेन ह्या कायद्याक तेंको दिवपाक भाजपान फोंड्यां कार्यावळ केली.

मडगांवची सभा बरीच व्हडली जाली.

जेएनयूंतल्या विद्यार्थ्यांचेर जाल्ल्या हल्ल्याचोय सभेन निशेध  केलो.मडगांवच्या लोहिया मैदानाचेर सुदारीत नागरिकत्व कायद्याच्या विरोधांत जाल्ले सभेंत  सीएए आनी एनआरसीक खर विरोध जालो.

तेच बरोबर सगळे भेद कुशीक सारून भारताची धर्मनिरपेक्ष वळख तिगोवन दवरपा खातीर झुजतले, राज्य घटनेंतलीं मुळावी मुल्यां माड्डुवपाक दिवचे नात, अशे कांय म्हत्वाचे थाराव घेतले आनी भारतीय राज्य घटनेंतलीं धर्मनिरपेक्ष मुल्यां सांबाळून दवरपाचें केंद्र सरकाराक आवाहनय केलें.  

 मुस्लीम समाजाच्या राजकी अस्तित्वा कडेन फकत एक व्होटबॅंक म्हण पळोवपी काँग्रेसीन फकत आपल्या फायद्या खातीर सुदारीत नागरिकत्व कायद्याचे बाबतींत लोकांची दिशाभूल करपाचो यत्न चलयला असो आरोप राज्यसभा खासदार आनी भाजपाचो राष्ट्रीय उपाध्यक्ष डॉ. विनय सहस्त्रबुद्धेन केलो.

सुधारित नागरिकत्व कायदो आनी तेच्याचे फाटलें सत ह्या विशयाचेर आयतारा फोंडा भाजपा मंडळान आल्मेदा हायस्कुलांत युवा दिना निमतान कार्यावळ घडोवन हाडली.

त्यावेळार डॉ. विनय सहस्त्रबुद्धे उलयतालो.

आयतारा वास्कोच्या नागरिकांनी सुदारीत नागरिकत्व कायद्याच्या विरोधांत वास्को शारांत व्हडली रॅली काडली.

महात्मा गांधीचे फोटे आनी तिरंगे लोकांचें लक्ष ओडून घेताले.

नगरपालिका, स्वतंत्रपथ, वास्को चर्च आनी परत पालिके कडेन रॅली पावल्या उपरांत जाहीर सभा जाली.

शेंकड्यांनी लोकांनी रॅलींत वांटो घेतलो. पळयात ते खीण.