दियात राजिनामे आनी दाखयात तुमचो सपोर्ट : कोळसो विरोधी आंदोलकांचें आमदारांक आव्हान
26 Nov 2020 05:35 PM
एलिना साल्ढाणान, तशेंच कांय दिसां आदीं भाजपांत गेल्ल्या कॉंग्रेसीच्या 11 आमदारांनी राजिनामो दिवचो अशेंय तेंच्यानी मागलां.
जाल्यार सरकारांत आसली तरी आपूण प्रकल्पाक विरोध करपा खातीर लोकां बरोबर रावतली अशी बंडखोरीची भुमिका एलिना साल्ढाणान घेतल्या.
आंदोलकांनी रेल्वेच्या डबल ट्रॅकिंगाचें काम उत्स्फूर्तपणान
बंद उडयलें.
कांसावली पंचायतीन ह्या प्रकल्पाक विरोध करपाचो थाराव ह्या आदींच घेतला अशें सरपंच जुझे मारियो फुर्तादोन सांगलें.
सरकारांत आशिल्ल्यान मोव रावत एलिनान ट्रॅक साल्वार करचे न्हू, तिणें फुडें येवन स्पश्टपणान आपली भुमिका जाहीर करची अशेंय तेणें मागलें.
लोकांचो दबाव आयल्या उपरांत कुठ्ठाळेची आमदार एलिनाकय आपली भुमिका स्पश्ट करची पडली.
आपलोय ह्या प्रकल्पाक विरोध आशिल्ल्याचें तिणें सांगलें.
पुलिसांनी आंदोलकांक आडावचे न्हय अशेंय तिणें शिटकायलें.
आपूण गोंयांत येवन मुख्यमंत्र्या कडेन चर्चा करतलों अशें केंद्रीय रेल्वे मंत्र्यान सांगूनय थंय प्रकल्पाचें सामान कशें किदें हाडून उडयलें असो शिक्षकी आवेशांतलो प्रस्नय तिणें विचारलो.
लोक पोटतिडकीन विरोध करतात, तरीकय सरकार प्रकल्प फुडें धुकलतच आसा हें पळोवन आपूण अस्वस्थ जाल्ल्याचेंय तिणें सांगलें.
दुसरे वटेन, लोकांचो आवाज आयकात अशें दक्षिण गोंयचो कॉंग्रेसीचो
खासदार सार्दिनान भाजपा सरकाराक उलो मारला.
लोकांचो आवाज आयकून घेतलो ना जाल्यार किदें करप तें गोंयकारांक बेस बरें खबर आसा असो सल्लोय ताणें भाजपा सरकाराक दिलो.
आयकात सार्दिनाक.
What do you feel
Click here