कंत्राटी शेतांच्या बिलाक गोंयकारांचो विरोध

संसदेंत कॉंट्रॅक्ट फार्मिंगचें बिल पास केलां. 

हो नवो कायदो शेतकारांक किमान आदार मेळोवन दिवपी मोल उणें करतलो, आनी ह्या कायद्याक लागून कॉर्पोरेट लोकांक शेतकारांच्यो जमिनी ताब्यांत घेवपाक आदार मेळटलो असो भंय ह्या संघटनांनी उक्तायला.

ह्या शेतकार विरोधी बिलाचो निशेध करपा खातीर मंगळारा आझाद मैदानाचेर एक व्हडली सभा आपयल्या.

सरकार शेतकाराचें चिंत्ता अशें सांगता आसत जाल्यार स्वामीनाथन रिपोर्ट किद्याक चालीक लायना असोय तेंचो प्रस्न.

संसदेंत हालींच तीन बिलां पास केलीं. फार्मर्स प्रोड्युस ट्रेड एण्ड कॉमर्स बिल 2020,  द फार्मर्स एग्रीमेंट ऑफ प्रायज एश्युरन्स एण्ड फार्म सर्व्हिसीस बिल 2020, आऩी द असेंशियल कोमोडिटीज बिल.