फॉर्मेलिनाचें नुस्तेकारांक ‘झेलाद’ पिकासांव, 90 टक्के बाजार रितो, तेच मागतात स्ट्रिक्ट चॅक
फॉर्मेलिनाचें नुस्तेकारांक ‘झेलाद’ पिकासांव, 90 टक्के बाजार रितो, तेच मागतात स्ट्रिक्ट चॅक
17 Jul 2018 08:28 PM
ते सोदतात नुस्तें मानशेचें, काटाळेचें वा गोरवणेचें. ताजें फोडफोडीत नुस्तें.
कारण भायल्यान येता तें नुस्तें सरकार काय चेक कन्ना. एक दीस फाटल्या बिरेस्तारा केल्लें तितलेंच. मागीर बंद.
आतां नुस्तेकारच सरकाराच्या नांवान बोबो मारपाक लागल्यात.
मडगांव हें गोंयचें सगळ्यांत व्हडलें नुस्त्या मार्केट. तें फांतोडेर सावन दनपार मेरेन लोकांनी भरून ओत्तालें. ताची आज दशा पळयात. चुकून कोणूय गिरायक येता, फकत पासय मारता आनी वता. झेलांतलें नुस्तें तश्शें पडून आसा.
पार्किंगाच्या ह्या जाग्यार गाडी दवरपाक मेळनाशिल्ली. आनी भायल्यान नुस्तें घेवन येवपी गाडयांची हांगां खातड आसताली. थंय जितो मूस लेगीत दिसना. ताका लागून नुस्तेकारय लागल्यात आतां पिरंगुपाक.
बेताळभाटीचो मिंगेलीन पेरेर हो सद्दां मडगांव मार्केटांत वचून नुस्तें हाडपी. ताणेय आपली वाट बदल्ल्या. तो आतां वता तडक वेळसांव वेळेर. काटाळेचें नुस्तें हाडूंक.
पणजी मार्केटाचीय तीच दशा. व्हडलें नुस्तें आसा थंय गिरायकच ना. दरेकलो सोदता मानशेचें, काटाळेचें वा गोरवणेचें नुस्तें. जितें फडफडटा काय म्हूण पयलीं पळयता.
नुस्त्यांभीतर फॉर्मेलीन सांपडल्यार आतां स दीस जावन गेले. तेन्ना नुस्तेकार चाळवल्ले. आतां झेलाद नुस्त्यावरी मोव जाल्यात. भायल्यान येता त्यो नुस्त्याच्यो गाडयो चेक करच्यो म्हूण तेच मागतात.
What do you feel
Click here