रुमडामळ पंचायतीक मेळटले दोन कोयर प्रक्रिया प्रकल्प

17 Aug 2021 03:21 PM

एक टनाचो कोयर हाताळपाक सक्षम आशिल्ले अशे दोन कोयर प्रक्रिया प्रकल्प रुमडामळा घालतले. नावेलेचो आमदार लुईझिन फालेरोन सांगलें. आयज, म्हटल्यार मंगळारा लुईझिन फालेरो आनी रुमडामळ हावसिंग बोर्ड पंचायतीन रुमडामळ हावसिंगच्या कोयर प्रकल्पाची पळोवणी केली. विशेश म्हटल्यार ह्या प्रकल्पा कडेन वच्चे खातीर लुइझिनाक आदीं रस्तो तयार करचो पडलो.



लुइझिन फालेरो बरोबर ह्या इन्स्पेक्शना वेळार पीडीडब्ल्यू, ीज विभाग, डब्ल्यूआरडी विभागा सयत रुमडामळ हाऊसिंग कोयर प्रक्रिया प्रकल्पाचे सायटीर भोंवले. कोयर प्रक्रिया प्रकल्पा कडेन वयतले जाल्यार रस्तोच नासलो.  सगळी वाट कोयरानच भरिल्ली. देखून आमी  स दिसां भितर आदीं रस्तो तयार केलो आऩी कोयर प्रकल्पा खातीर वीज पुरवण दिवपाचीय वीज विभागाक सुचोवणी दिल्या.  विभागानय बेगोबेग सुविधा मेळोवन दिवपाचें उतर दिलां, लुईझिनान सांगलें. कुशीचो वाठार नितळ दवरपाचीय ताणें सुचोवणी दिली.

 हावसिंग बोर्डान पंचायतीक 18,000 स्क्वॅर मिटर सुवात दिल्या. तातूंत खेळांमळ, कम्युनिटी हॉल, मार्केट कॉमप्लॅक्स आनी कोयरा प्रक्रिया प्लांटय उबे रावपाचे आसात. थळाव्यो अडचणी लक्षांत घेवन आमदार लुइझिन फालेरोन त्या त्या विभागांच्या इंजिनियरांक पाचारण करून बेगोबेग कामां सुरू करपाक लायलीं. तांणीय वेगान कामाक सुरवात केली. देखून पंचायतय प्रकल्प बेगिनाच अस्तित्वांत येतले हे अपेक्षेन खोशी जाल्या. सरपंच अविता चोडणकारान ही खोशी उक्तायल्या. पळयात.

 

Goa 365 खातीर रुमडामळच्यान रमेश नायक रावत.

 




What do you feel

Click here