व्हीआयपी येतलो म्हण नशीब फळफळ्ळें कुर्टीच्या रस्त्यांचें!

व्हीआयपी येतलो म्हण नशीब फळफळ्ळें कुर्टीच्या रस्त्यांचें!

09 Oct 2021 07:08 PM

दिश्टीहीन मागता एक दोळो आनी देव दिता दोन अशें किदेंशें कुर्टीकारांचे बाबतींत जालां.



सगळे गोंयकार रडटात डांबराच्या रस्त्यांक, पूण तांच्या नशिबांत फोंडकुलांनीच भरिल्ले रस्ते, जाल्यार दिल्लीसावन एक व्हीआयपी येवपाचो आशिल्ल्यान कुर्टीचे रस्ते लोकांनी रडचे आदींच चकचकीत जाल्यात.

आदीं घालुया एक नदर फोंडें वाठारांतल्या हेर रस्त्यांचेर.आनी आतां पळयात कुर्टीचे रस्ते.

हो चमत्कार न्हय. हें सत.

पूण हें गोंयकारांच्या मोगान जायना.


गृहमंत्री अमित शहा14 ऑक्टोबरा कुर्टीच्या गोवा डेरी आनी एनीमल हजबंड्रीक भेट दिवपाचो आसा.

हे रस्ते फोंडकुलांनी भरिल्ले. व्हीआयपी येता म्हणटकच सरकारी यंत्रणेची धांवपळ जाली.

भौशीक बांदकाम खात्यान ह्या रस्त्यांचें ताबडतोब हॉटमिक्स कार्पेटिंग केलें. 


गोंयचे हायवे फोंडांनी भरल्यात, जाल्यार कुर्टी सारकिल्या गांवगिऱ्या वाठारांतले रस्ते वरां भितर चकाचक जाल्यात.

हो चमत्कार पळोवन समेस्त गोंयकार मनांत म्हणटा आसतले, व्हीआयपी येवंदी आमच्याय दारी. 

Reporter: Krishna Naik | Desk: Jawahar Barve



What do you feel

Click here