कोलवा पुलीस स्टेशनाक मेळपाक लागला न्याय!

शेवटाक कोलवा पुलीस स्टेशनाक न्याय मेळपाक लागला. मेस्त आयल्यात, मदेराचें काम चल्लां, पेंटर आयल्यात, पेंटिंग चल्लां. नवे इमारतींत हक्काचो आलाशिरो मेळसर तात्पुरती थाकाय म्हण आतां कोलवा पुलिसांक मातसो सुशेग मेळ्ळा. गोवा 365 न कांय दिसां आदीं पुलीस स्टेशनाची अवतिकाय दाखयल्ली.

लोक न्याय सोदपाक हांगा येतात. पूण खुद्द पुलिसच न्यायाचे प्रतिक्षेंत आशिल्ले. पोर्तुगेज काळांतले इमारतींत तांचें ठाणें आसा. खंय नळे फुटल्यात, सिलींट तुटलां, उदक व्हांवता खंयचो नळो केन्ना तकलेर पडत सांगू नज, टॉयलेटीची सुविधा सारकी ना अशी स्थिती जाल्ली. गोवा 365 चो कॅमेरो थंय पावलो, आमच्या खबरांकारान अविताकाय टिपली आनी सरकाराक दाखोवनय दिली. सरकारान ताची दखल घेतल्या. नेटान काम चल्लां.