live streaming
उस रोवपी शेतकारांचो संजीवनी फॅक्टरीमुखार निशेध
उस रोवपी शेतकारांचो संजीवनी फॅक्टरीमुखार निशेध
26 Nov 2018 08:43 PM
निमाणेकडेन पाच डिसेंबराक साखर कारखानो सुरु करपाचें तांकां उतर मेळ्ळें. साखर कारखान्याचो गळीत हंगाम सुरू जावपाक एका म्हयन्याचो कळाव जाला.
संजीवनी साखर कारखान्याचो गळीत हंगाम सुरू जावपाक कळाव जाल्ल्यान उसाची लागवड करपी शेतकार संकटात आयल्यात.
20 नोव्हेंबराच्यान कारखान्याचो गळीत हंगाम सुरू जावपाचो आशिल्लो. देखून ऊस कातरपाक शेतकारांनी भायल्यान कामगार हाडिल्ले.
पूण गळीत हंगाम सुरू जावपाक कळाव जाल्ल्यान बेजार जाल्ले ऊस शेतकार सोमारा कारखान्याकडेन एकठांय जाले.
ह्या वेळार सावड्डेंचो आमदार दीपक पावसकार, सांगेचो आमदार प्रसाद गांवकार आनी सांगेचो आदलो आमदार सुभाष फळदेसाय हजर आसले.
30 नोव्हेंबराच्यान गळीत हंगाम सुरू जावपाचें उतर मेळना जाल्यार फोंडें-मोलें हो राश्ट्रीय महामार्ग आडोवपाची शिटकावणी तांणी दिल्ली. देखून आमदार पावसकार बेगोबेग पणजे वचून मंत्र्यांक मेळ्ळो.
लेखी आश्वासन मेळामेरेन शेतकारांनी सांजे चारा मेरेन आंदोलन केलें. निमाणेकडेन भौशिक बांदकाम मंत्री सुदिन ढवळीकार फोनावेल्यान तांचेकडेन उलयलो.तशेंच दक्षिण गोंयचो खासदार नरेंद्र सावयकार पणजेसावन बेगोबेग आंदोलनाचे सुवातेर पावलो. काँग्रेसीचो आमदार आलेक्स रेजिनाल्डय शेतकारांच्या आंदोलनाक तेंको
दिवपाक थंय पावलो. उपरांत सहकार निबंधकान पांच डिसेंबराक गळीत हंगाम सुरू करपाचें लेखी आश्वासन दिलें. आश्वासनाची पुर्तताय जाली ना जाल्यार पणजे मोर्चा घेवन येवपाची शिटकावणी तांणी दिल्या.
What do you feel
Click here
