पर्रीकारान मांडलो महसूल शिलकीचो आनी अर्थीक तुटिचो अर्थसंकल्प

पर्रीकारान मांडलो महसूल शिलकीचो आनी अर्थीक तुटिचो अर्थसंकल्प

30 Jan 2019 07:30 PM

सेगीत दुसऱ्या वर्सा मुख्यमंत्री मनोहर पर्रीकारान वेवस्थीत भाशण नाशिल्लो अर्थसंकल्प विधानसभेंत मांडलो. ताका लागून ताचीं नवीं धोरणां वा येवजण्यो कळपाक शकल्यो नात.



चवदा टक्क्यांनी अर्थसंकल्पी खर्च वाडयिलो 19 हजार 500 कोटिंचो अर्थसंकल्प पर्रीकारान मांडला.

महसुली शिल्लक आशिल्लो पूण अर्थीक तूट दाखोवपी अर्थसंकल्प. आनी ही तूट भरून काडपाखातीर कसलेच तरेचे कर लावंक नाशिल्लो अर्थसंकल्प.

जोश सामको उंचायेर पावला आनी म्हाका पुराय होश आसा अशा उतरांनी पर्रीकारान विधानसभेंत बसूनच सात मिण्टांचें भाशण केलें.

आपणे ह्या अर्थसंकल्पांत शेती, शिक्षण, भलायकी, म्हायती तंत्रज्ञान, रोजगार, साधनसुविधा आनी अर्थीक उदरगतीचेर भर दिला अशें ताणें सांगलें.

अर्थसंकल्प मांडून जातकीर येणावळ कितली आनी खर्च कितलो ताचो ताळेबंद अर्थ सचीव दौलत हवालदारान विस्कटावन सांगलो. मात सरकाराचीं धोरणां हे राजकी निर्णय आसतात तेन्ना आपूण ताचेर कांयच उलोवपाक शकना हेंय ताणें स्पश्ट केलें. पत्रकारांकडेन उलयतना मुख्यमंत्री हजर नाशिल्लो.

सत्ताधारी आनी विरोधी पक्षांतलेय कोणूच अर्थसंकल्पाचेर आपली ठोस प्रतिक्रिया दिवपाक शकले नात. कारण मुख्यमंत्र्यान विस्कटावणी करपी भाशणच केलें ना. तांकां खंय अर्थसंकल्प समजून घेवपाक आनीक थोडो वेळ जाय. 

Reporter: Bureau | Desk: Bureau | Camera:



What do you feel

Click here