ऑनलायन शिक्षण अजून सक्तीचें करूंक ना : मुख्यमंत्री ; पूण हेर मंत्री-आमदारांचो येवकार
ऑनलायन शिक्षण अजून सक्तीचें करूंक ना : मुख्यमंत्री ; पूण हेर मंत्री-आमदारांचो येवकार
18 Jun 2020 06:56 PM
स्मार्ट फोन घेवपाक परवडचे नात तेंचें किदें?
ह्या पत्रकारान विचारिल्ल्या प्रस्नाचेर
प्रमोद सावंतान अशी जाप दिली.
ज्या स्कुलांनी ऑनलायन शिकोवपाक सुरवात केल्या तेंका पेंडमीक सोंपल्या उपरांत ही प्रक्रिया चालू दवरपाक लायतले.
पूण मुळांत अशे तरेच्या शिक्षणा विशींचो निर्णय अजून घेवंक ना, मुख्यमंत्र्यान सांगलां.
जुनांत स्कुलां सुरू जातात.
पूण कोरोना नांवाच्या व्हायरसान धुमाकूळ घातिल्ल्यान हेर उपक्रमांबरोबर शिक्षणा सारकिलो म्हत्वाचो उपक्रमय बंद पडला.
नव्या तंत्रज्ञानाचो आदार घेत ऑनलायन शिकोवपाक सुरवात करात अशें जरी शिक्षण खात्यान हायस्कुलांक सांगिल्लें आसलें तरी प्रत्यक्षांत गांवगिऱ्या वाठारांनी मेळनाशिल्लें नॅटवर्क, परवडनाशिल्ले स्मार्ट मोबायल फोन अशो वेगवेगळ्यो अडचणी सामकार आयल्यात.
मुख्यमंत्री ताचेर उलयलो, पळयात.
गोविंद गावडे तर म्हणटा, सरकारान भुरग्यांक मुफत साधनसुविधा मेळोवन दिवपाक जाय.
ताचेय फुडें वचून तो म्हणटा, आपूण मुफत मोबायल दिवपाचे स्किमीचेर विचार करतां.
जाल्यार एका तेंपा वयलो शिक्षण मंत्री आशिल्लो सुभाष शिरोडकारय ऑनलायन शिक्षण पद्दतीचे बाबतींत आशावादी आसा.
हें जावचें अशें तेकाय दिसता.
जाल्यार कॉंग्रेसीचो आमदार रवी नायक, जाच्यो शिक्षण संस्था आसात, ताणें दिल्लो सल्लोय पळयात.
What do you feel
Click here