live streaming
कायदो आनी सुवेवस्थेचो पेंच निर्माण करतल्यांचे टॅक्सी परवाने रद्द : सरकाराची शिटकावणी
कायदो आनी सुवेवस्थेचो पेंच निर्माण करतल्यांचे टॅक्सी परवाने रद्द : सरकाराची शिटकावणी
04 Aug 2019 04:57 PM
तांचे टॅक्सी परवाने रद्द करपाची शिटकावणी येरादारी मंत्री माविन गुदिनोन दिल्या.
तशेंच पुलिसां कडल्यान क्लियरन्स मेळना तो मेरेन तांचे परवान्यांचें नुतनीकरण करचे नात अशेंय शिटकायलां.
जाल्यार 50 टक्के खासगी टॅक्सीवाले एका एका खाला काम करपाक तयार जातले असो हावेस कळंगुटचो आमदार मायकल लोबोन उक्तायला.
दुसरे वटेन हाच्या विरोधांत शांततायेन निशेध नोंदयतना गोवा मायल्साचेर दोन दिसां भितर बंदी हाडूंक ना जाल्यार खासगी टॅक्सीवाल्यांनी आपले परवाने रद्द करपा खातीर दितले अशें म्हटलां.
तिसरे दिसाय टॅक्सिवाल्यांनी संप चालूच दवरिल्लो.
मुख्यमंत्री प्रमोद सावंत, पर्यटन मंत्री बाबू आजगांवकार, येरादारी मंत्री माविन गुदिनो आऩी कळंगूटचो आमदार मायकल लोबो बरोबर टॅक्सीच्या विशयावेल्यान शेनवारा रातीकडेन बसका घेतली.
बसकेक येरादारी, पर्यटन खात्याचे खात्याचे अधिकारी, पुलीस आनी टीटीएजी आऩी जीसीसीआयचे वांगडी लेगीत हजर आशिल्ले.
पर्यटकां खातीर पर्यायी वेवस्था केल्या अशें मुख्यमंत्र्यान सांगलें.
पर्यटकांक अडचण आयली जाल्यार तांणी पीसीआराक कॉल करचो.
ते तांकां मजत करतले.
कांय खासगी टॅक्सीवाले एका एपा पोंदा वेवसाय करपाक तयार आसात , पूण कांय जाण तांकां फितायतात अशें लोबोचें म्हणणें.
एप आदारीत सेवेन गोंयच्या पर्यटनाक आदार दिला.
अशें म्हणत भाजपान गोवा मायल्साक तेंको दिला.
भाजपाचो उपाध्यक्ष दामू नायक सांगता, गोवा मायल्साचे 100 टक्के टॅक्सी चालक हे गोंयकार.
पर्यटकांचीं तांचे विशींचीं मतांय बरीं आसात.
ताका लागून एप टॅक्सीवाल्यांच्या फायद्याचोच अशें ताचें म्हणणें.
खासगी टॅक्सीवाल्यांनी तांचे फुडले डावपेच आखपाक सुरवात केल्या.
गोवा मायल्स बंद करपाक तांणी सरकाराक दोन दिसांचो अल्टिमेटम दिला.
आनी सरकारान तशें केलें ना जाल्यार गोंयच्या हेर सगळ्या टॅक्सीवाल्यांसयत दर्या देग वाठारांतले सगळे टॅक्सीवाले आपापलीं परमिटां सरंडर करतले.
What do you feel
Click here
