गोंयकारांक नोकऱ्यो दिवपाक पोस्टाचें गोंयचें सर्कल जायच?
गोंयकारांक नोकऱ्यो दिवपाक पोस्टाचें गोंयचें सर्कल जायच?
11 Oct 2019 07:14 PM
पूण हितराखण मंचाक हें मान्य ना. तांच्या मतान महाराष्ट्र सर्कलांत आसल्यार लेगीत
गोंय विभागांत फकत गोंयकारांक नोकऱ्यो मेळपाक शकतात. मात ते खातीर कोंकणीचें गिन्यान
सक्तिचें करपाक जाय.
9 ऑक्टोबरा जागतीक डाक दीस आशिल्लो. ते निमतान गोंयच्या पोस्ट खात्यान पणजे कार्यावळ दवरिल्ली. थंय मुख्यमंत्री मराठीन उलयलो.
कारण मुखार 90 टक्के कर्मचारी महाराष्ट्रांतले आशिल्ले. ते भायर सत्कार जालो तेय कर्मचारी चडशे महाराष्ट्रांतलेच. मात मुख्यमंत्री उलयलो गोंयकारां वाटेन.
ताणे गोंयांक वेगळें सर्कल दियात, महाराष्ट्राचें सर्कल नाका अशीच मागणी केली.
मुख्यमंत्र्याचे हे घोशणेक गोवा हितराखण मंचान येवकार दिला. पूण 2004 वर्सा तांणी केल्ल्या आंदोलनाचीय ताणे याद करून दिल्या.
तेन्ना कोंकणी वा मराठीचें गिन्यान सक्तिचें केल्ल्यान महाराष्ट्रांतल्यान खोटांनी उमेदवार परिक्षा दिवपाक पणजे आयिल्ले.
आंदोलना उपरांत परिक्षा रद्द जाल्ली आनी फकत कोंकणीचें गिन्यान सक्तिचें म्हूण जायरात दिवन परत परिक्षा जाल्ली. पूण हें जालें फकत एकूच फावट. मागीर परत ये रे माझ्या मागल्या.
आमी तुमकां आज फकत मुख्यमंत्री आनी गोवा हितराखण मंचाच्यो प्रतिक्रिया दाखयल्यात.
पूण हाचे मुखार ह्या प्रस्नाचेर आमी हाच्याकय चड शॉकाद करपी खबरो हाडटले. महाराष्ट्र
सर्कलाच्या नांवांखाला गोंयांत कितें चल्लां तें. वाट पळयात ह्याच खबरापत्रांत.
What do you feel
Click here