हेर बेकायदेशीर कामांय बंद करात : नरेश सावळाचें दिवचल पालिकेक आवाहन

07 Jan 2020 08:09 PM

डिचोली बचाव अभियानान पालिका मंडळ आनी मुख्याधिकाऱ्याचें अभिनंदन केलां.



अभियानान आवाज काडल्या उपरांत पालिकेन दिवचल बाजारांतले ते पांच बेकायदेशीर गाडे काडून उडयले.

हे कृतीक लागून मुख्याधिकारी आनी नगरसेवकांचे डिचोली बचाव अभियानाचो अध्यक्ष नरेश सावळान उपकार मानले, आनी तेच बरोबर अजून चालू आशिल्लीं बेकायदेशीर कामां बंद करपाचो उलोय मारला.


डिचोली बचाव अभियानान दिवचल मार्केटांतल्या बेकायदेशीर गाड्यांच्या विरोधांत आवाज काडिल्लो.

टेंपररी म्हण सांगत होलसेल सोरो विकपा खातीर परवानो दिल्ल्याचोय आरोप अभियानान पालिकेचेर केल्लो.

आनी ह्या प्रकाराविरोधांत कोर्टांत वचपाची तयारीय दाखयल्ली.

त्या उपरांत पालिकेन रातयां पत्र्याच्या पांचय गाड्यांक सील ठोकलें आनी उपरांत ते गाडे थंयच्यान काडलेयबी.

तांकां मार्गदर्शन करपी मुख्याधिकारी आनी तसो निर्णय घेवपी नगरसेवकांचें अभिनंदन करतना दिवचल बाजार पत्रे आनी प्लास्टिमुक्त करपाचें आवाहनय नरेश सावळान केलां.

पत्रकार परिशदेक तेच्या बरोबर शशिकांत नायक, नरेश कडकडे आनी हेर मानेस्त हजर आसले.

Reporter: Mahesh Govekar | Desk: Jawahar Barve



What do you feel

Click here