कुंकळी पालिकेंत मानापमान – पुलिसांचो फोर्स! नगरसेवकाचो अपमान!!

लोकशायेक काळो दाग म्हटल्यारय जाता.

पालिकेचे बसकेक पुलीस फोर्स हजर आसलो आनी एकादरो नगरसेवक नेटान उलोवपाक लागलो काय हो पुलीस ताका फोर्सान सकयल बसयतालो.

पुलिसांक हो अधिकार कोणें दिलो काय?

कुंकळी पालिकेची ही बसका शुक्रारा जाली.

देमानी वाठाराचो नगरसेवक उदेश नायक देसाय जेन्ना-जेन्ना उलोवपाक उबो रावता तेन्ना-तेन्ना नगराध्यक्ष ताका उलोवपाक दिना खंय.

तो फकत आपली हुकुमशाय लादपाक सोदता, उदेशान आरोप केला.

ह्या बोवाळांत नगराध्यक्षान एका नगरसेवकाक सुणोय म्हण पाचारलो.

लोकशायेंतले पालिका बसकेक लाबिल्लें हें आगळें वेगळें रूप म्हणूं येता. 

प्रकरण किदेंय आसूं, नगरसेवकाक सुणो म्हणप लोकशायेन दिल्लो अधिकार नक्कींच न्हय.

 आयज ताका सुणो म्हटलो.

फाल्या आनीक कोणाक म्हणटलो.

नगराध्यक्षान हाचेर जाहीरपणान माफी मागपाक जाय.

ना जाल्यार फुडले पालिका बसकेचेर बहिश्कार घालतले, नगरसेवक राहुल देसायान सांगलें.