गाडी धुकल्ली म्हण पुलीस सस्पेंड???

गाडी धुकल्ली म्हण पुलीस सस्पेंड???

23 Aug 2021 03:44 PM

खरें म्हटल्यार सरकार ताळ्यार येवचें म्हण, बंद पडिल्ली गाडी धुकलतनाची बातमी आमी शेनवारा दाखयल्ली.



पूण पॅट्रॉलिंग करपी, केपेंच्या त्या पुलिसांक, बरी गाडी दिवचे बदला, दक्षिण गोंय पुलीस अधिक्षकान, गाडी धुकलपी पुलिसांक सस्पेंड  करून विचित्र पायंडो घातला.


केपें पुलीस स्टेशनांतल्यो गाडयो राम भरोसे आसात हें भायर आयलां.

भायल्या प्रगत देशांनी अत्याधुनीक व्हॅनस पुलीसांक दिल्ल्यो आसतात.

त्योसगळ्या सुविधांसयत अपडेट आसतात. आमचे कडेन परतें दिसून आयलां.

चोराक वा खुन्याच्या फाटल्यान पुलीस लागले आसत जाल्यार आनी मदींच गाडी बंद पडली जाल्यार धुकलस्टार्ट करपा बगर पुलीस आऩीक किदें करतले?

अपेक्षा आसली सरकार तांकां तंदुरुस्त वा बरी गाडी दितलें, पूण जालें भलतेंच.

एसपी पंकज कुमार सिंगान गाडी धुकलपी पुलिसांक आदीं ट्रान्स्फर केले आनी उपरांत सस्पेंड.

अजापीत करपी कृती न्हय ही?

हातूंतल्यान कायदो सुवेवस्थेंत कसली सुदारणा जाली काय?

 बंद पडिल्ली गाडी धुकलपाची सिनेमांतच न्हय, जाल्यार प्रत्यक्षांत पाळी येता आनी तिवूय गोंय पुलिसांचेर अशें म्हणत व्हायरल जाल्लो एक व्हिडियो गोवा 365 न शेनवारचे बातमेंत दाखयल्लो.

केपें पुलिसांची पेट्रोलींग व्हॅन मार्गारच बंद पडिल्ली.

भितर बशिल्ले पुलिस बाबडे सकयल देंवून ती धुकलपाक लागले.

हो देखाव फुडारिल्ल्या गोंयाक नक्कीच अभिमानाचो न्हय.

खरेंच, पूण चूक कोणाची?

मोडक्यो गाडयो घेवन भोंवप्यांची काय ती दिवप्यांची?

Reporter: Ramesh Naik Raut | Desk: Jawahar Barve



What do you feel

Click here