एमआरव्ही आनी सरकाराच्या घाळपणाक लागून विर्नोड्यां आनीक एक रस्तो बळी!
एमआरव्ही आनी सरकाराच्या घाळपणाक लागून विर्नोड्यां आनीक एक रस्तो बळी!
15 Jan 2020 08:22 PM
विर्नोडकारांचो हो आरोप.
वळपें जंक्शनाचेर मंगळारा रातीकडेन जाल्ल्या अपघातांत एकल्याक जीव वगडावचो पडलो.
थळावो आमदार बाबू आजगांवकार, खासदार श्रीपाद नायक, पीडबल्युडी मंत्री दिपक पावसकाराकय विर्नोडकारांनी तेंच्या निश्काळजीपणाक लागोन उजरावन काडल्यात.
हे सुवातेर भुंयारी मार्ग करिनात जाल्यार रस्तो आडायतले.
तिडकल्ल्या लोकांनी सरकाराक शिटकावणी दिल्या.
बरोच तेंप जालो एनएच 17 ह्या
राष्ट्रीय महामार्गाचें काम चल्लां.
पेडणें ते म्हापशें मेरेन रस्त्याची पुराय अवतिकाय जाल्ली दिश्टी पडटा.
सायनबोर्ड, लायटी आनी बेरिकेटस घालूंक नासलेल्यान विर्नोडच्या वळपें जंक्शनाचेर मंगळारा रातीकडेन भिरांकूळ अपघातांत एकल्याक जाग्यारच मरण येयलें.
चलते मोटरसायकलीचेर धपको मारून वाहनचालक पळून गेलो.
पुलिसांक अजून तो मेळोंग ना.
हेच्या आदीं ह्या मार्गार सुमार धा अपघात जाल्यात.
तरीकय सरकारान ते कडेन आडनदर केल्ल्यान लोक फुर्योज जाल्यात.
लोकांनी सरकाराक कशा उतरांनी उजरावन काडलां, पळयात.
What do you feel
Click here