देवधर्म माननाशिल्ल्यांचें कांयच वायट जायना: भेंब्रे

 देवधर्म माननाशिल्ल्यांचें ह्या संवसारांत कितें अडून उरना, वा वायटूय जायना. पूण देवधर्म जायच  असो कोणें हट्ट धरलो जाल्यार ताणें विज्ञान सोडून दिवंक जाय अशें मत साहित्यीक  एड. उदय भेंब्रेन मांडलें. 

 देविदास कदमाच्या जाणवय कादंबरेचें लोकार्पण मंगळारा मडगांवच्या रवींद्र भवनांत जालें. ह्या वेळार भेंब्रे अध्यक्ष म्हण उलयताले. माचयेर लेखक देविदास कदम, पत्रकार संदेश प्रभुदेसाय आनी अकल्पिता रावत देसाय हाजीर आशिल्ल्यो. ह्या वेळार संजना प्रकाशनान वेगवेगळ्या लेखकांचीं पुस्तकां प्रदर्शन आनी विकपाक दवरिल्लीं. 

  अंधस्रद्धा फकत देवा-धर्माच्या मळारच नात. भलायकेच्या मळारय अज्ञानाच्या रुपांत त्यो आसात. हाचेर  संदेश प्रभुदेसायान बोट दवरलें.