राष्ट्रीय खेळां सर्ती नोव्हेंबरांत जावच्यो ना : मुख्यमंत्री

24 Jul 2019 09:00 PM

राष्ट्रिय खेळां सर्तीचें नोव्हेंबर म्हयन्यांत आयोजन जावपाक शकना. भारतीय ऑलिंपीक संघटनेकडल्यान आयोजनाची तारीखय मेळूंक ना.



तारखो मेळ्ळ्या उपरांत आयोजनाक पांच म्हयने तरी लागतले. प्रस्नोत्तरां वेळार मुख्यमंत्री प्रमोद सावंतान विधानसभेंत सांगलें.    

विल्फ्रेड डिसा आनी सुदिन ढवळीकारान विचारील्ल्या प्रस्नाक खेळांमंत्री बाबू आजगांवकारा बदला मुख्यमंत्र्यान जाप दिली.

गोंय सरकार 36व्या राष्ट्रिय खेळां सर्तीचें आयोजन करतलें, करीना जाल्यार पेनल्टी फारिक करतलें, तयारी खंय पावल्या, साधनसुविधा निर्माण केल्यात काय ना आनी राष्ट्रिय खेळां सर्तीच्या आयोजनाक कळाव कित्याक जालो, हे विशीं ढवळीकारान प्रस्न विचारील्लो.  

राष्ट्रिय खेळां सर्तीच्या आयोजनाची डॅडलायन चुकयिल्ल्यान गोंय सरकाराक पेनल्टी म्हुण धा कोटी रुपया फारिक करपाक सांगिल्ले.

उपरांत हातूंत तजवीज करून ही किंमत उणी करून ती स कोटी रुपया केल्ली. आता नोव्हेंबर म्हयन्यांत राष्ट्रिय खेळां सर्त जावपाची आशिल्ली. पूण सध्याची परिस्थिती पळयल्यार आयोजनाची तारीख आनीकय फुडें वचपाक शकता. 

Reporter: Glenn Costa | Desk: Sushant Gawas



What do you feel

Click here