गोंय घडोवपांत गोंयकारांचेंय जाय योगदान : मुख्यमंत्री

गोंय घडोवपांत गोंयकारांचेंय जाय योगदान : मुख्यमंत्री

18 Jun 2019 07:43 PM

गोंयांत म्हत्वाचे बदल घडोवन हाडपाची जबाबदारी फकत मंत्री वा आमदारांचीच न्हय, दरेका गोंयकाराचें योगदान जाय. मुख्यमंत्री प्रमोद सावंतान म्हटलां.



फुडाराक खण, म्हादय आनी मोपाचो प्रस्न हाताळपाचेर भर दितले अशेंय ताणें फुडें सांगलें.

गोंवा क्रांतिदिसा निमतान पणजेच्या आझाद मैदानार घडोवन हाडिल्ल्या सुवाळ्यांत मुख्यमंत्री उलयतालो.

पोर्तुगिजांच्या अत्याचारांच्या विरोधांत 1946 च्या 18 जूनाक क्रांतीक आरंब केल्लो.

तेन्नाच्यान 18 जून हो क्रांतीदीस म्हण मनयतात. क्रांती चळवळींत वीरमरण आयिल्ल्या वीरांक मुख्यमंत्र्यान फुलां हार घालून आर्गां ओपलीं.

क्रांतीदिसा निमतान पणजेच्या मिनेझीस ब्रागांझ हॉलांत उलोवपाची सर्त दवरिल्ली. इन्स्टिट्युट मिनेझीस ब्रागांझचो अध्यक्ष संजय हरमलकार ताका हजर आशिल्लो.

 गोंयच्या मुक्तीझुजाचो इतिहास सांगपी स्वातंत्र्य सेनानींचें संग्रहालय जावचें ही मुक्ती झुझाऱ्यांची मागणी पुर्ण करतलों अशें उपमुख्यमंत्री विजय सरदेसायान सांगलें.

पणजे वा मडगांवां संग्रहालय उबारतले अशें तो म्हणटा.  मडगांवच्या लोहिया मैदानाचेर क्रांतीदीस मनयलो.

Reporter: Sandeep Tuenkar | Desk: Jawahar Barve



What do you feel

Click here