पांच राज्यांतले विधानसभा निकाल गोंयांतय भाजपाक बादतले?

पांच राज्यांतले विधानसभा निकाल गोंयांतय भाजपाक बादतले?

12 Dec 2018 09:12 PM

गोंयच्या भाजपा प्रणित सरकाराचें भविश्य पांच राज्यांनी निकत्याच जाल्ल्या वेंचणुकीच्या निकालांचेर आदारून आसा अशें सगळेच म्हणटाले. भाजपान पांचूय राज्यां वगडायलीं. हिंदी भाशीक राज्यां भाजपा कडल्यान कोंचून घेतिल्ल्यान काँग्रेस उमेदीन आसा.



आतां जाल्यार गोवा फॉर्वर्डाकय दिसता, गोंयची राजवट अशीच चल्ली जाल्यार हांगांय तेंच चित्र दिसूं येता. 

गोंयचें युती सरकार कोंसळटलें आनी विधानसभा बरखास्त जातली अशें काँग्रेसीक दिसता. हे स्थितीक लागून लोकांक नासले तरी आपणाक अच्छे दिन आयल्यात अशें काँग्रेसीच्या फुडाऱ्यांक दिसपाक लागलां.

गोंयच्यो खणी सुरू केल्यो नात जाल्यार भाजपा गोंयची लोकसभा वेंचणूक हारपाक शकता अशें गोवा फॉर्वर्डाचो मुखेली आनी मंत्री विजय सरदेसायान म्हटलां. जाल्यार गोवा फॉर्वर्डाचो सरचिटणीस मोहनदास लोलयेंकाराच्या कोंतान भाजप आपलें राष्ट्रीय धोरण बदलिना जाल्यार सरकाराचेर परिणाम जावं येता.

मगोचो अध्यक्ष दिपक ढवळीकाराचीय प्रतिक्रिया मेळोवपाचो आमी यत्न केलो. पूण ताणें सांगलें, खणी सुरू करपाचो दिल्ली निर्णय जाल्या उपरांत, म्हणल्यार 14 डिसेंबरा उपरांतच तो उलयतलो.

गोवा सुरक्षा मंचाचो फुडारी सुभाष वेलिंगकार जंतरमंतरावेल्या धरण्यांत दाखल जावपा खातीर दिल्ली गेल्ल्यान ताची भेट जावपाक शकली ना. 

Desk: Jawahar Barve | Camera:



What do you feel

Click here