भारताची जीडीपी उदरगत वाड 5 टक्के न्हय, शुन्य टक्के जाल्या : वल्लभ
भारताची जीडीपी उदरगत वाड 5 टक्के न्हय, शुन्य टक्के जाल्या : वल्लभ
28 Sep 2019 07:46 PM
भारताची अर्थवेवस्था पुराय काबार जाल्या. आनी हे आसात मनीस निर्मीत संकष्ट. अनौपचारिक विभाग पुरायपणान कोसळ्ळा. अशें आसूनय सरकार म्हणटा जी.डी.पी. उदरगत वाड पाच टक्के आसा.
प्रत्यक्षात पळोवपाक गेल्यार जी.डी.पी उदरगत वाड पाच टक्के न्हय, जाल्यार शून्य टक्क्यार पावल्या. अर्थतज्ज्ञ आनी काँग्रेसीचो म्हणयारो दोतोर गौरव वल्लभान आरोप केला.
भारतीय अर्थवेवस्थेची सद्य स्थिती ह्या विशयाचेर आयोजित केल्ले परिशदेत तो उलोयतालो.
दोतोर वल्लभान दाखयिल्ल्या डेटा प्रमाण जी.डी.पी.ची वाड शुन्या परसय सकयिल्ल्या पांवड्यार आसा.
सरकारान घेतील्ल्या बँकांच्या विलिनीकरणाच्या निर्णयाक लागून एन.पी.ए स पटिन वाडला, अशेंय ताचे म्हण्णे.
ह्या वेळार वल्लभ अमेरीकेतल्या ह्युस्टन शारात जाल्ले हावडी मोदी कार्यावळीचेरूय उलोयलो.
What do you feel
Click here