वास्को कोरोनाच्या सांगातान डेंग्युचो सांवार!
11 Aug 2021 06:39 PM
वास्को आनी उपशारांत विचित्र अशा 20 केसींची नोंद जाल्या.
धपको दिवपी गजाल
म्हटल्यार डेंग्यूच्या दुयेंतींनी चिखली सब-डिस्ट्रिक्ट हॉस्पिटलांतल्यो कॉटी
भरून गेल्यात.
राष्ट्रवादी कॉंग्रेसीचो जुझे फिलिप
डिसोझान हो मुद्दा उपस्थित केल्या उपरांत हॉस्पिटलांतल्या
दोतोरांनीय तें मान्य केलें.
दरवर्सा डेंग्यू वास्कोक पिडत आयला.
हे खेपेय परिस्थिती गंभीर आसा.
राष्ट्रवादी कॉंग्रेसीचो प्रदेश अध्यक्ष आनी आदलो मंत्री जुझे फिलिप डिसोझान चिखली उपजिल्लो हॉस्पिटलाक भेट दिवन डेंग्यूचे परिस्थितीचो नियाळ घेतलो.
तो सांगता, लोक आदींच कोविडान पिडल्यात, तातूंत डेंग्यूचे दुयेंती सेगीतपणान वाडत आसात.
हॉस्पिटलांनी
बेडी नाशिल्ल्यान
लोकांक जीएमसींत व्हरचें पडटा.
डेंग्यूच्या दुयेंतींचेर वेळार उपचार आनी देखरेख करची. ताणें मागलां.
दाबोळेचे एके बायलेक डेंग्यूक लागून मरण आयिल्लें, अशें डिसूझान सांगलें.
वास्कोंतलीं प्रकरणां कमी जायनात हें चिखलेच्या भलायकी केंद्राचो भलायकी अधिकारी डॉ. अनिल हुम्रस्कारान मान्य केलां.
चिखले कॉटी भरिल्ल्यो आसात. देखून पेशंटांक
गोमेकॉंत व्हरतात.
अशें आसलें तरी डेंग्यूक लागून कोणाक मरण आयिल्ल्याचें मात सिद्ध जावंक ना अशेंय ताणें सांगलें.
What do you feel
Click here