कोरंटायन चांचणी मुफत करात : खलाशांचे फॅमिलींचें केप्यां उपोशण

27 May 2020 02:39 PM

परदेशांनी आडखून पडिल्ल्या खलाशांचो प्रस्न आतां तापपाक लागला.



तांच्यो गोंयांतल्यो फॅमिली अस्वस्थ जाल्यात.

सरकाराचो निशेध करपा खातीर मडगांवां जमिल्ल्या कांय आंदोलकांनी पुलिस आयल्या उपरांत थंयच्यान फुज्ज्यो काडल्यो.

जाल्यार खलाशांच्या कांय  फामिलिंनी बुधवारदिसा कोरोंटायनाच्या मुद्द्या वयल्यान केप्यां उपोशणाक सुरवात केल्या.

कोरोंटायन मुफत जावचें ही तांची मागणी.

भायल्या देशांनी आडखून पडिल्ल्या गोंयकारांचें गोंय सरकाराक किदेंच पडून गेल्लें ना.

कांय जाणांनी आत्महत्त्याय केल्या.

सरकारान हाची गंभीर दखल घेवची.

खलाशांच्या फामिलींनी मागलां.


भायल्या बोटींचेर कामाक गेल्ल्या गोंयच्या खलाशांक गोंयांत हाडपाक सरकाराक अजून यश येवंक ना.

देखून बेजारिल्ल्या केपेंच्या खलाशांचे फामिलींनी बुधवारा केप्यां उपोशणाक सुरवात केली.

हातांत पोस्टर धरून आपली मागणे कडेन लक्ष ओडपाचो यत्न केलो.

तेंचें म्हणणें, आमच्या कंपन्यांक पयशे भरपाक लावं नाकात, कोरंटायनची चांचणी मुफत करात.

ना जाल्यार आमच्या हातांतलें काम वचूं येता.

पळयात तेंचे उत्फर्के.  


मडगांवांय कांय खलाशांच्या फॅमिलींनी आनी बरे मागप्यांनी आंदोलनाची तयारी चलयल्ली.


पूण पुलीसांक पळोवन तेंच्यानी फुज्ज्यो काडल्यो. मडगांवचो पुलीस निरीक्षक सचीन नार्वेंकार तेविशीं म्हायती दिता.
 

 

Reporter: Prahar Sanvordekar | Desk: Ramesh Naik Raut



What do you feel

Click here